Сӯхтор дар бинои истиқоматии баландошёна

Декабрь 29, 2015 16:10

Душанбе, 29.12.2015. (АМИТ «Ховар»). -Соати 07:05-и 29 декабри соли 2015, дар бинои истиқоматии баландошёна, воқеъ дар кӯчаи Шотемур 25-и ноҳияи И.Сомонии шаҳри Душанбе сӯхтор ба амал омадааст. Фавран ба ҷойи ҳодиса 5 нақлиёти асосиву махсуси оташнишонӣ сафарбар шуд. Ҳангоми ба маҳалли ҳодиса расидани ҳайати шахсии Хадамоти давлатии оташнишонӣ муайян карда шуд, ки дар ҳуҷраи № 57-и ошёнаи 10-уми бинои истиқоматӣ сӯхтор ба амал омада, дар дохили он соҳибхоназан Раҳимова Суфия Зикриолоевна, соли таваллудаш 1970, духтараш Раҳимова Суман, соли таваллудаш 1995 ва писари соҳибхоназан Мустафо Ҳаётов, соли таваллудаш 2010 мондаанд.
Бо назардошти вазъияти ба амал омада, аз ҷониби роҳбарияти СХДО ВКД қувваву воситаҳои асосӣ дар як вақт барои наҷоти одамон ва пешгирии роҳҳои паҳншавии оташу хомӯш намудани сӯхтор сафарбар карда шуда, ҳамзамон ба ҷойи ҳодиса кормандони тиб, милитсия, БДА ва дигар хадамоту мақомоти дахлдор даъват карда шуданд.
Дар натиҷаи гузаронидани амалиёти махсуси фаврии оташнишонӣ аз дохили ҳуҷраи оташгирифта соҳибхоназан бо фарзандонаш ба ҷойи бехавф бароварда шуда, соҳибхоназан аз ҷониби кормандони милитсия ба беморхона расонида шуд. Сӯхтори ба амал омада дар масоҳати 3 метри мураббаъ, бепаҳншавӣ ба дигар ҳуҷраҳои зисти шаҳрвандон дар соати 07:37 хомӯш карда шуд.
Мувофиқи иттилои кормандони беморхона соҳибхоназан С.З. Раҳимова дар натиҷаи заҳролудшавии зиёд аз дуди ғализ ба ҳалокат расидааст. Бино ба иттилои мутахассисони ХДО ВКД сабаби сӯхтор расиши кӯтоҳи ноқилҳои барқӣ дар барқтақсимкунаки дохили ҳуҷраи зист буда, зарар аз сӯхтор муайян карда мешавад.
Аз сӯхтор фарзандони соҳибхоназан ягон осеб надидаанд ва вазъи саломатиашон ҳоло хуб мебошад.

Декабрь 29, 2015 16:10

Хабарҳои дигари ин бахш

Фестивали ҷумҳуриявии афсарону сарбозон «Муҳофизони Ватан» баргузор мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Намояндагони Тоҷикистон дар конфронси 10-уми минтақавии Ассотсиатсияи байналмилалии прокуророни генералӣ иштирок доранд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
Соҳибкороне, ки худсарона нархи маҳсулоти хӯрокаро боло мебардоранд, ҷарима карда мешаванд
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
МАВСИМИ ОББОЗӢ ФАРО РАСИД. Волидайн фарзандони худро ҳангоми оббозӣ беназорат нагузоранд!
Вобаста ба омилҳои рушди сармояи инсонӣ дар Душанбе конфронс доир гардид