Таъмини дурусти ҳайати шахсии қисмҳои ҳарбӣ бо маводи хӯрокӣ
Душанбе, 7.12.2015. (АМИТ «Ховар»).-Дар пойгоҳи яке аз қисмҳои ҳарбии қӯшунҳои хушкигарди Қувваҳои Мусаллаҳи Ҷумҳурии Тоҷикистон, ки дар гарнизони Душанбе қарор дорад, бо иштироки масъулини соҳаи ақибгоҳии қисму воҳидҳои ҳарбии сохторҳои қудратии пойтахт ва минтақаи Хатлон ҷамъомади методӣ-таълимӣ доир гардид. Ҷамъомади мазкур дар доираи барномаи мукаммали таълимӣ аз ҷониби масъулини сохтори ақибгоҳии Вазорати мудофиа баргузор гардида, он аз чанд давраи омӯзишӣ иборат буд.
Ҷамъомад ба таври назариявию амалӣ ҷараён гирифта, дар қисмати машғулияти назариявӣ ҳайати афсарони масъул мавзӯъҳои таъмини дурусти ҳайати шахсии қисмҳои ҳарбӣ бо маводи хӯрокӣ, либоси низомӣ ва омодагии ҷангии ҷузъу томҳои ақибгоҳиро аз бар намуданд. Ҳамзамон дар дарсҳо масъалаи таъминоти маводи озуқаворӣ ҳангоми сафарбарӣ низ аз ҷониби иштирокдорони ҷамъомади методию таълимии масъулин оид ба ақибгоҳ таҳлилу баррасӣ гардид. Дар бахши амалии ин ҷамъомад ҳозирин ҳолати дурусти нигоҳдошти маводи озуқаворӣ, истифодаи сӯзишвориву равғанҳои молиданӣ ва амсоли инро дар анборҳои назди қисми ҳарбӣ мавриди омӯзиш қарор доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
