Хариду фурӯши тифли навзод
![](https://khovar.tj/wp-content/uploads/2016/01/i.jpg)
Душанбе, 4.01.2016. (АМИТ «Ховар»).- Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия дар шаҳри Хуҷанд, зани 33-солаи сокини ноҳияи Б.Ғафуров, ки пеш бо моддаи 244 қисми 2 ва 167 қисми 1 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар фурӯхтани тифли навзодаш дастгир шуд. Гумонбаршуда, духтарчаи яксолаашро ба як сокини ш.Хуҷанд бар ивази 400 доллари амрикоӣ фурӯхтааст.
Аз рӯи ин ҳодиса нисбат ба дастгиршуда парвандаи ҷиноятӣ оғоз гардида, тафтиш дар ин самт идома дорад.