Натиҷагирии Кумитаи кор бо занон ва оила аз соли 2015
Душанбе, 13.01.2016. (АМИТ «Ховар»). — Дар Кумитаи кор бо занон ва оилаи назди Ҳукумати Ҷумҳурии Тоҷикистон ҷаласаи ҳайати мушовара оид ба ҷамъбасти фаъолияти кумита дар соли 2015 ва нақшаҳои минбаъда барои соли 2016 баргузор гардида, раиси кумитаи мазкур Хидирзода Махфират Умар оид ба фаъолияти кумита дар соли 2015 ҳисобот дод.
Зикр шуд, ки дар масъалаи омӯзиши ҳаматарафаи никоҳи хешутаборӣ ва муоинаи пешазникоҳии издивоҷкунандагон аз ҳисоби вазорату идораҳои давлатӣ гурӯҳи корӣ таъсис шуда, бо назардошти имкониятҳои воқеии Вазорати тандурустӣ ва ҳифзи иҷтимоии аҳолӣ ва розигии роҳбарияти он ин гурӯҳ фаъолияти худро бевосита дар назди вазорати мазкур амалӣ намуд.
Ҳамзамон бо мақсади такмил додани қонунгузории Ҷумҳурии Тоҷикистон ва ҳифзи ҳуқуқу манфиатҳои занон ҳангоми бекор кардани ақди никоҳ дар назди кумита гурӯҳи кории байниидоравӣ таъсис шудааст.
Теъдоди хизматчиёни давлатӣ дар вилояту шаҳру ноҳияҳо мавриди баррасӣ қарор дода шуда, зикр шуд, ки бонувони тоҷик имрӯз дар ҳайати Парлумони кишвар, вазорату кумитаҳо ва дигар муассисаҳои давлатӣ барои амалӣ сохтани сиёсати давлатӣ оид ба баланд бардоштани нақши занон дар ҷомеа ҳадафмандона фаъолият доранд.
Густариш додани соҳибкории хурду миёна барои бонувон аз самтҳои асосии сиёсати давлатӣ оид ба дастгирии занону духтарон мебошад. Барои амалӣ сохтани ин ҳадаф ва дастгирии занону модарони соҳибкор аз ҷониби Ҳукумати кишвар грантҳои президентӣ таъсис дода шудаанд ва то имрӯз бонувони зиёде бо истифода аз ин имконият тавонистанд дар соҳаҳои гуногун ба соҳибкорӣ машғул гарданд ва муваффақ ҳам шуданд.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Хидирзода Махфират Умар бо таҳлили амиқ аз фаъолияти кории сардорони раёсатҳои вилоятҳо, шаҳри Душанбе, мудирони шуъба ва бахшҳои кор бо занон ва оилаи мақомоти иҷроияи маҳаллии шаҳру ноҳияҳои ҷумҳурӣ оид ба фаъолияти ҷамъбастиашон натиҷагирӣ намуда, ба 15 сардорони раёсатҳои вилоятҳо, шаҳри Душанбе, мудирони шуъба ва бахшҳои кор бо занон ва оилаи мақомоти иҷроияи маҳаллии шаҳру ноҳияҳои ҷумҳурӣ барои фаъолияти хуб дар соли 2015 сипоснома супорид.
«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
