Ҷопон ва Кореяи ҷанубӣ дар финал

Душанбе, 28.01.2016 (АМИТ «Ховар»). — Дастаи мунтахаби футболи Ҷопон ва Кореяи ҷанубӣ дар бозиҳои ниҳоии Ҷоми Осиё байни футболбозони то 23 -сола ба бозии ниҳоӣ роҳхат гирифтанд. Дар вохӯрии нимниҳоӣ тими мунтахаби Ҷопон бар мунтахаби Ироқ бо натиҷаи 2 бар 1 ва футболбозони Корея бар мизбони бозиҳои ниҳоӣ, тими мунтахаби Қатар бо ҳисоби 3 бар 1 пирӯз шуданд. Акнун дастаҳои Ироқ ва Қатар барои мақоми сеюм ва Ҷопон бо Кореяи ҷанубӣ барои Ҷом рӯзҳои 29 ва 30 январ вориди рақобат мешаванд.
Ёдрас мешавем, ки дар бозиҳои ниҳоӣ 16 даста ширкат карда, дар чор гурӯҳ аз 12 январ дар шаҳри Доҳаи Қатар ба мусобиқа шурӯъ карда буданд. Аз тимҳои мунтахаби Осиёи марказӣ танҳо дастаи мунтахаби Узбекистон дар мусобиқа дар гурӯҳи «С» ширкат карда, зинаи сеюмро ба даст овард. Дастаи мунтахаби Эрон дар ин поя дар бозии 1/4-ниҳоӣ аз футболбозони ҷопонӣ бо нишондоди 3 бар 0 мағлуб шуд.