Рамиресро чиниҳо хариданд

Душанбе, 29.01.2016 (АМИТ «Ховар»). -Футболбози шӯҳратёри бразилиягӣ Рамиресро, ки дар клуби футболи «Челси»-и Англия бозӣ мекард, клуби футболи «Тсзянсу Сайнти» -и Чин ба маблағи 33 млн. евро харид. «Тсзянсу Сайнти», ки мехоҳад дар бозиҳои Лигаи чемпионҳои Осиё ширкат кунад, бо мақсади пурқувват кардани ҳайаташ ба ин амал даст задааст. Рамирес соли 2010 аз дастаи «Бенфика» ба маблағи 17 млн евро ба «Челси» гузаштааст. Як сол қабл «Челси» шартномаашро бо ин бозингар ба муддати 4 -сол тамдид карда буд, аммо роҳбарият маблағи хуби пешниходшударо аз клуби «Тсзянсу Сайнти» ба назар гирифта, ӯро фурӯхтанд. Рамирес дар ҳайати «Челси» 251 бозӣ гузаронида, ба дарвозаи ҳарифон 34 тӯб задааст.
Ба клуби футболи «Тсзянсу Сайнти» мураббии машҳур Дан Петреску машқ медиҳад ва соли гузашта ин даста дар зинаи 9-уми чемпионати Чин қарор дошт.