Қарзи давлатии ИМА ба 19 триллион доллар расид, ки ба 103%-и ММД-и кишвар дар соли 2015 баробар аст
Душанбе, 04.02.2016. (АМИТ «Ховар»). — Дар ин бора рӯзи чоршанбе, 3-юми феврал нашрияи амрикоии «Washington Times» бо такя ба Вазорати молияи ИМА хабар дод.
Ба иттилои манбаъ, аз ин миқдор 13,7 триллион долларро қарзи берунӣ ва боқимондаашро қарзи дохилӣ ташкил медиҳад.
Рӯзноманигорони Амрико ёдовар мешаванд, ки дар давоми раёсати Барак Обама қарзи давлатии ИМА 8,3 триллион доллар зиёд шуда, дар муқоиса ба давраи раёсати Ҷорҷ Буши хурдӣ ин рақам 4,9 триллион доллар афзудааст.
Бо вуҷуди ин, 19 триллион барои ИМА, гарчанде ки ин нишондод ба 103% -и маҷмӯи маҳсулоти дохилӣ (ММД) баробар аст, ҳадди ниҳоӣ нест. Тибқи пешгӯии коршиносон, дар давоми 10 соли оянда қарзи давлатии ин кишвар метавонад ба 30 триллион доллар расад.
Ёдовар мешавем, ки ММД-и ИМА барои соли 2015 дар ҳаҷми 19,6 триллион доллар ба нақша гирифта шуда буд, вале мувофиқи маълумоти вазорати молияи ИМА тавозуни қарз ба ММД 103%-ро ташкил дод, яъне дар охири сол ба кишвар қариб 1,2 триллион камомад шуд.
Бори нахуст қарзи давлатии ИМА соли 1981 ба триллион доллар расида буд. Аз он вақт ин ҷониб, қарзи ин кишвар мунтазам афзудан гирифт. Барои назорати афзоиши қарзи давлатии ИМА соли 1989 дар Манҳеттени Ню-Йорк ҳисобкунак насб карда шуд, ки дар вақти воқеӣ маблағи умумии қарзи давлатӣ ва таносуби миёнаи қарзро бар сари ҳар як оила нишон медиҳад.
Маврид ба ёдоварист, ки аз рӯи нишондиҳандаҳои соли 2015 қарзи хориҷии Тоҷикистон баробар ба 27,9%-и ММД аст.
Ин нишондиҳанда шаҳодати рушди босуботи иқтисоди кишвар арзёбӣ мегардад.
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
Дар Теҳрон масъалаи таҳвили нафти хом аз Эрон ба Тоҷикистон баррасӣ гардид
Дар фурудгоҳҳои байналмилалии Тоҷикистон таҷҳизоти техникии «Дарвозаҳои электронӣ» насб карда мешавад
Ҳамкории Тоҷикистон ва Испания дар соҳаи сайёҳӣ тақвият меёбад
Бонки миллии Тоҷикистон: «Ба ваъдаҳои дурӯғ дода нашуда, худ ва наздиконатонро аз қаллобони интернетӣ эҳтиёт намоед!»
