Бонки ҷаҳонӣ ва Тоҷикистон раванди ташаккули устувории кишвар ба тағйирёбии иқлимро таҳким мебахшанд

Февраль 12, 2016 17:53

Душанбе, 12.02.2016 (АМИТ «Ховар»).- Имрӯз вазири молияи Ҷумҳурии Тоҷикистон Абдусалом Қурбониён ва Намояндаи доимии Бонки ҷаҳонӣ дар Тоҷикистон Патрисия Виверс- Картер созишномаро барои маблағгузории Барномаи мутобиқшавӣ ба тағйирёбии иқлим ва коҳиши таъсири он дар ҳавзаи баҳри Арал (CAMP4ASB) ба имзо расониданд. Дар доираи барномаи минтақавӣ ҳаҷми маблағгузории Тоҷикистон аз ҳисоби Ассотсиатсияи байналмилалии рушд 9 миллион доллари ИМА-ро ташкил медиҳад. «Аз он хушҳолам, ки Тоҷикистон ҷузъи ин ташаббуси минтақавӣ мебошад, ки он дар ҳалли мушкилиҳои алоқаманд бо тағйирёбии иқлим тавассути ҳамкории минтақавӣ ва сармоягузорӣ дар сатҳи маҳаллӣ мусоидат мекунад»,-зикр намуд Патрисия Виверc-Картер, намояндаи доимии Бонки ҷаҳонӣ дар Тоҷикистон. “Офатҳои табиӣ ва дигар хатарҳои тағийрёбии иқлим боиси овардани зарари назаррас ба воситаҳои зиндагӣ ва иқтисодиёт дар Тоҷикистон мегарданд, аз ин рӯ, мо дастгирӣ намудани талошҳои кишварро дар коҳиши ин хавфҳо дар оянда бесаброна интизорем”.
Дар доираи барнома маблағгузорӣ ба аҳолии деҳот барои бартараф намудани таҳдидҳои ҷорӣ ба истеҳсоли маҳсулоти кишоварзӣ ва воситаҳои зиндагӣ дар деҳот, ки аз хатарҳои иқлимӣ, ба монанди хушксолӣ ва боду ҳавои экстремалӣ бармеоянд, пешниҳод мегарданд. Гуногунсозии кишти зироат, идораи дохилихоҷагии захираҳои об ва баланд бардоштани самаранокӣ, барқарорсозии заминҳои таназзулёфта, истеҳсоли чорво, коркарди маҳсулоти кишоварзӣ, вусъатдиҳии самаранокии неру якчанд мисолест аз чорабиниҳое, ки дар доираи лоиҳаи мазкур маблағгузорӣ мегарданд. Ин сармоягузориҳои алоқаманд ба тағйирёбии иқлим ба беҳтар намудани шароити зиндагӣ ва баланд бардоштани ҳосилнокӣ дар минтақаҳои деҳот мусоидат намуда, инчунин талошҳои ба коҳишдиҳии таъсири тағйирёбии иқлим ва мутобиқшавӣ равонашударо, ки метавон дар саросари минтақа вусъат дод, нишон медиҳанд.
Интизор меравад, ки дар натиҷаҳои амалисозии лоиҳаҳои мазкур дар Тоҷикистон 91,000 нафар манфиат мебарад. Дар сатҳи минтақавӣ барномаи CAMP4ASB барои фароҳам овардани замина ё худ майдон барои муколамаи минтақавӣ ва мубодилаи дониш дар байни тамоми кишварҳои Осиёи Марказӣ оид ба тағйирёбии иқлим дар доираи васеи соҳаҳо, аз ҷумла, дар соҳаи кишоварзӣ, идораи хавфи офатҳои табиӣ, захираҳои об ва энергетика мусоидат хоҳад намуд. Инчунин низоми ҳамбастаи қиёсии дорои маълумоти такмилдодашуда, иттилоот ва воситаҳои андешидани тадбирҳои сиёсӣ ва муайянсозии афзалиятҳо дар робита ба сармоягузориҳо бо дарназардошти омилҳои иқлим ба ҳамаи кишварҳои минтақа дастрас мегардад. Барномаи мутобиқшавӣ ба тағйирёбии иқлим ва коҳишдиҳии таъсири он дар ҳавзаи баҳри Арал ба манфиатбардорӣ аз ҳамкории минтақавӣ барои ҳалли мушкилоти афзоишёбандаи тағйирёбии иқлим, ки бештари вақт аз ҳудуди марзҳои кишварҳои Осиёи Марказӣ берун меоянд, нигаронида шудааст. Моҳи ноябри соли 2015, Раёсати директорони иҷроияи Гурӯҳи Бонки ҷаҳонӣ ҷудо намудани 38 миллион доллари ИМА-ро барои маблағгузории марҳилаи аввали барнома ба тасвиб расонид.

Февраль 12, 2016 17:53

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад