Ҷаласаи навбатии ШҲМ СҲШ

Душанбе, 16.03.2016. (АМИТ «Ховар»). — 15 марти соли 2016 дар шаҳри Пекин дар Котиботи Созмони ҳамкории Шанхай ҷаласаи навбатии Шӯрои ҳамоҳангсозони миллии давлатҳои аъзои СҲШ ба кори худ оғоз бахшид.
Бино ба иттилои ВКХ ҶТ, дар ҷаласаи мазкур ҳайати Тоҷикистон бо роҳбарии муовини вазири корҳои хориҷии Ҷумҳурии Тоҷикистон, ҳамоҳангсози миллии Ҷумҳурии Тоҷикистон оид ба корҳои СҲШ Маҳмадшариф Ҳақдод иштирок дорад.
Дар ҷаласа мавзӯъҳое, ки барои баррасӣ ба ҷаласаҳои навбатии Шӯрои сарони давлатҳо, котибони шӯроҳои амният, Шӯрои вазирони корҳои хориҷӣ, машварати роҳбарони мақомоти салоҳиятдори давлатҳои аъзои СҲШ, ки барои мубориза бо муомилоти ғайриқонунии маводи нашъадор ваколатдор шудаанд, пешниҳод мешаванд.
Инчунин масъалаҳои вобаста ба раванди узвияти Ҳиндустону Покистон ба СҲШ ва дигар масъалаҳои рӯзмарраи фаъолияти созмон мавриди муҳокима қарор доранд.