Мулоқоти Аҳтам Абдуллозода бо соҳибкорони оянда
Душанбе, 16.03.2016. (АМИТ «Ховар»).- Бо баргузории як чорабинӣ дар КВД «Клуби соҳибкорони ҷавон» ба як гурӯҳ ҷавононе, ки курси соҳибкориро ба итмом расониданд, шаҳодатнома супорида шуд.
Аҳтам Абдуллозода, раиси Кумитаи ҷавонон, варзиш ва сайёҳӣ ва директори КВД «Клуби соҳибкорони ҷавон» Дилшод Ҷураев доир ба мақсади ташкили курси соҳибкорӣ ва вохӯрӣ бо соҳибкорони оянда ҳарф заданд.
Аҳтам Абдуллозода вобаста ба фаъолияти соҳибкорӣ ва нақши ҷавонони соҳибкор дар пешрафти иқтисодиёти мамлакат сухан гуфта, онро муҳим арзёбӣ кард. Таъкид шуд, ки рушди фаъолияти соҳибкорӣ аз амнияти давлат вобастагии калон дошта, дар навбати худ соҳибкорони ҷавон низ бояд дар назди Ватану миллат масъулият эҳсос намоянд.
Роҳбари кумита изҳор дошт, ки дар замони муосир танҳо бо дониш ва ҷаҳонбинии васеъ метавон ба соҳибкорӣ машғул гардида, муваффақ шуд, зеро танҳо ҷавони донишманд метавонад ҳангоми фаъолияти соҳибкорӣ маблағро дуруст ва самаранок истифода намояд. Дар ин чорабинӣ роҳбари Аҳтам Абдуллозода ба масъалаи арзиши муқаддасоти миллӣ, Истиқлолияти давлатӣ ва ҳимояи марзу буми кишвар низ дахл карда, изҳор дошт, ки ин муқаддасот бояд дар қалби ҳар як ҷавони тоҷик бошад.
Директори КВД «Клуби соҳибкорони ҷавон» таъкид дошт, ки мақсад аз ташкили курсҳои соҳибкорӣ ба ҷавонон фароҳам овардани имконияти фаъолияти соҳибкорӣ мебошад, зеро дар ин курсҳо мутахассисони баландтаҷриба ба ҷавонон нозукиҳои фаъолияти соҳибкориро ба таври назариявӣ меомӯзонанд.
Дар фарҷоми чорабинӣ ба 18 ҷавоне, ки курси фаъолияти соҳибкориро ба итмом расониданд, аз ҷониби Аҳтам Абдуллозода ва Дилшод Ҷӯраев шаҳодатнома тақдим шуд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
