Сафорати Ҷопон дар Душанбе семинари иттилоотии GGP доир кард
Душанбе, 18.03.2015. (АМИТ «Ховар»).- Дирӯз Сафорати Ҷопон дар мавзӯи “Барномаи кумакҳои бебозгашти Ҳукумати Ҷопон барои бахши аъзами аҳолӣ ва амнияти башарӣ (GGP) дар Тоҷикистон» дар Душанбе семинари иттилоотӣ баргузор кард. Дар он тартибу низом ва талаботи амалӣ гаштани лоиҳаҳои GGP, саволу ҷавоб ва мубодилаи афкор оид ба босамар анҷом ёфтани лоиҳаҳо мавриди баррасӣ қарор гирифт. Дар машварати мазкур беш аз 70 намояндаи созмонҳо иштирок доштанд.
Семинари GGP, ки нахустин бор маҳз дар Тоҷикистон амалӣ гашт, барномаи таълимии техникӣ буда, дар ҳамкорӣ бо ташкилоти ҷамъиятии дӯстии Тоҷикистону Ҷопон “Ниҳон-Тоҷ” баргузор гардид. Чорабинии мазкур барои таъмини иттилоотӣ дар ҳар марҳилаи тартиби кории GGP ва санадҳои зарурӣ мусоидат менамояд.т
Ёдовар мешавем, ки дар семинар кормандони ботаҷрибаи сафорат оид ба бахшҳои мухталифи татбиқи лоиҳаҳо пешниҳоди мушаххас ироа карданд.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
