«Умед Транс» ҷазои маъмурӣ мегирад

Душанбе, 15.03.2016.(АМИТ «Ховар»).- Кормандони Хадамоти гумруки назди Ҳукумати кишвар саркашӣ кардани ширкати «Умед транс»-ро дар мавриди напардохтани боҷи гумрукӣ ошкор карданд.
Ширкати мазкур ҳангоми воридоти молҳои ниёзи мардум ба расмиятдарории гумрукиро анҷом намедиҳад, ки ҳоло нисбат ба он аз ҷониби суди ноҳияи Исмоили Сомонӣ парвандаи маъмурӣ боз шудааст. Ширкати «Умед Транс» аз Чин тавассути ду воситаи нақлиёти тамғаи «Дулон», рақами қайди давлатиашон ТҶ 72-81 ва 72- 30 ВА аз тариқи дидбонгоҳи гумрукии Раёсати минтақавии гумрукии ВМКБ ба дидбонгоҳи гумрукии «Терминал»-и шаҳри Душанбе мол интиқол додааст. Ин ширкат дар мӯҳлати муайяннамудаи қонунгузории гумрукии кишвар, яъне -15-рӯз барои ба расмиёти гумрукӣ даровардан ба мақомоти гумрук ҳуҷҷатҳои молҳои вориднамудаашро пешниҳод накардааст. Зимни тафтишот маълум мегардад, ки соҳибкор аз Чин молҳои ниёзи мардумро бо вазни 149 ҳазору 760 кг ворид намудааст. Соҳибкор муҳлати пешниҳоди эъломияи гумрукиро вайрон намудааст, ки ҷавобгарии он мутобиқи моддаи 129-и Кодекси гумруки Ҷумҳурии Тоҷикистон пешбинӣ гардидааст.
Дар ин бора ба АМИТ «Ховар» аз Хадамоти гумруки назди ҳукумати ҷумҳурӣ иттилоъ доданд.