Ҳайати Ҷумҳурии Қирғизистон ба Тоҷикистон омад
Душанбе, 14.04.2016. /АМИТ «Ховар»/. Дар доираи ҳамкории байналмилаливу минтақавӣ ва бисёрҷонибаи Вазорати корҳои дохилии Ҷумҳурии Тоҷикистон бо мақомоти корҳои дохилии кишварҳои минтақа ва ҷаҳон пайваста байни намояндагони мақомоти корҳои дохилӣ оид ба масоили тақвият бахшидани ҳамкорӣ барои пешгирӣ ва мубориза бар зидди ҷинояткорӣ вохӯриву гуфтушунид ва мулоқотҳои судманд баргузор мегарданд.
Дар ин раванд баргузории ҷаласаи аввалини мушовараи якҷояи вазоратҳои корҳои дохилии Ҷумҳурии Тоҷикистон ва Ҷумҳурии Қирғизистон 14 — 16 апрели соли равон дар шаҳри Гулистони вилояти Суғд ба нақша гирифта шудааст.
Дар ҷараёни ҷаласа масъалаҳои тақвият бахшидани ҳамкории мақомоти корҳои дохилии Ҷумҳурии Тоҷикистон ва Ҷумҳурии Қирғизистон дар мубориза бар зидди экстремизм-терроризм, ҷинояткории муташаккилона ва мубодилаи таҷриба дар самти ислоҳоти милитсия дар назар аст.
Бо ин мақсад барои иштирок дар ҷаласаи якуми мушовараи вазоратҳои корҳои дохилии Ҷумҳурии Тоҷикистон ва Ҷумҳурии Қирғизистон ҳайати расмии ВКД Ҷумҳурии Қирғизистон бо роҳбарии вазири корҳои дохилии ин кишвар генерал-майори милитсия Турганбаев Мелис Токтомамбетович ба Ҷумҳурии Тоҷикистон ташриф овард.
Ҳайати расмии меҳмононро дар гузаргоҳи сарҳадии Гулистони шаҳри Исфара муовини вазири корҳои дохилии Ҷумҳурии Тоҷикистон Умарзода Икром Ислом, сардори Раёсати ВКД Ҷумҳурии Тоҷикистон дар вилояти Суғд Назарзода Шариф Раҳмон, муовини аввали раиси вилояти Суғд Раҳматзода Рустам ва дигар шахсони расмӣ бо ба ҷо овардани анъанаву суннатҳои қадимии мардуми меҳмоннавози тоҷик истиқбол намуданд.
Дар Тоҷикистон сатҳи нашъамандӣ коҳиш ёфтааст
Маркази робитаҳои ҷамъиятии Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон хабар медиҳад
НИШАСТИ МАТБУОТӢ. Дар Тоҷикистон мусодираи моддаҳои психотропии синтетикӣ зиёд гардидааст
Бо кормандони мақомоти корҳои дохилӣ дар вилояти Хатлон оид ба пешгирии омилҳои номатлуб вохӯрӣ доир шуд
Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
НИШАСТИ МАТБУОТӢ. Соли 2024 216 тоннаю 787 килограмм маводи пастсифат мусодира ва нобуд гардид
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
