Устод Айнӣ ва асолати забони тоҷикӣ
Душанбе, 15.04.2016, /АМИТ «Ховар/. Имрӯз Донишгоҳи миллии Тоҷикистон, воқеъ дар шаҳраки донишҷӯён бо ташаббуси кафедраи услубшиносӣ ва таҳрири адабии факултети журналистикаи донишгоҳ конфронси ҷумҳуриявии илмию назариявӣ таҳти унвони «Устод Айнӣ ва асолати забони тоҷикӣ» бахшида ба зодрӯзи Қаҳрамони Тоҷикистон Садриддин Айнӣ баргузор гардид.
Абдулҳай Маҳмадаминов, профессори кафедраи назарияи адабиёти навини форсу тоҷики ДМТ дар мавзӯи «Маводи пурқиммат оид ба фаъолияти устод Айнӣ» маърӯза карда, аз ҷумла гуфт: «Агар осори боқимондаи устод Айнӣ аз бойгониҳои Федератсияи Русия, аз ҷумла Санкт Петербург, Бухоро, Самарқанд, Тошканд гирдоварӣ карда шаванд, як ганҷинаи бебаҳои мероси фарҳангӣ фароҳам меояд».
Инчунин профессор Баҳриддин Камолиддинов дар мазӯи «Нозукадоии Садриддин Айнӣ», Мастура Абдураҳмонова дар мавзӯи «Сермаъноии ҷумлаи пайрави миқдору дараҷа дар «Куллиёт»-и С.Айнӣ», М. Ҳайдаров дар мавзӯи «Калимаҳои шоирона дар ашъори адибонаи С.Айнӣ» ва Малика Юлдошева, ассистенти кафедраи забони тоҷикии Донишгоҳи давлатии тиббии Тоҷикистон дар мавзӯи «Саҳми устод Айнӣ дар ташаккули истилоҳоти тиббӣ» маърӯза карданд. Малика Юлдошева зикр кард, ки дар ёддоштҳои Устод Айнӣ дар баробари истилоҳоти дигари илмӣ аз истилоҳоти тиббӣ низ фаровон истифода шудааст.
Ёдовар мешавем, ки конфронси мазкур аз ду қисмат иборат буда, дар қисмати дуюм маърӯзаҳои сармуҳаррири рӯзномаи «Донишварз»-и Донишгоҳи давлатии Данғара, дотсент Қутбиддин Мухторӣ дар мавзӯи «Махсусияти луғавӣ-услубии жанрҳои иттилоотӣ», дотсент Моҳира Мирзоева, мудири кафедраи услубшиносӣ ва таҳрири адабӣ дар мавзӯи «Муродифоти гуногунсатҳ дар осори С. Айнӣ», дотсенти кафедраи услубшиносӣ ва таҳрири адабӣ Санавбар Низомова, дар мавзӯи «Сифатҳои мураккаби ифодакунандаи хислату рафтор ва ҳолати зоҳирии одамон дар повести «Марги судхӯр»-и С.Айнӣ» ва чандин омӯзгорони дигар шунида шуданд.
«Мақсади конфронси имрӯза ёдоварӣ аз руҳи Устод Айнӣ мебошад, зеро хизмате, ки ӯ барои халқи мо кардааст, хеле бузург аст. Масалан «Намунаи адабиёти тоҷик» гувоҳи барҳақи ин гуфтаҳост»,- зикр намуд Матлуба Мирзоева, мудири кафедраи услубшиносӣ ва таҳрири адабии факултети журналистикаи ДМТ.
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
