Ҳамгурӯҳони «Истиқлол» имрӯз дар бозиҳои 1/8- ниҳоии Ҷоми КФО вориди майдон мешаванд

Душанбе, 25.05.2016 /АМИТ «Ховар»/. Муборизаи дастаҳои футболи қораи Осиё  дар  бозиҳои аввали 1/8- ниҳоӣ барои Ҷоми КФО шоми дирӯз оғоз гардид ва имрӯз низ идома меёбад. «Нафт Алвасат»-и Ироқ ва «Алфайсалӣ»-и Урдун, ки бо чемпиони Тоҷикистон «Истиқлол»-и Душанбе дар як гурӯҳ буданд, дар ин поя имрӯз бо дастаҳои «Алҷайш»-и Сурия ва «Алмуҳаррақ»-и  Баҳрайн вориди рақобат мешванд.
Дирӯз дар ин ҷода «Айр Форс клаб»-и Ироқ бар «Алваҳдот»-и Урдун бо ҳисоби 2:1, «Алаҳад»-и Лубнон бар «Алваҳда»-и Сурия 4:0,«Тампинс Роверс»-и Сингапур бар «Моҳун Баган»-и Ҳиндустон 2:1 ва «Соуз Чайна» -и Гон-Конг  бар «Серес ла сейл»-и Филиппин бо ҳисоби  1:0 ғолиб омаданд.
Имрӯз инчунин дастаҳои «Ҷаҳор дарул таъзим»-и Малайзия бо «Кайа ФК» -и Филиппин ва «Китчи»-и Гон-Конг бо «Бангалуру»-и Ҳиндустон қувва меозмоянд.