Кумитаи ҳолатҳои фавқулода аз шаҳрвандони ҷумҳурӣ боисрор даъват менамояд, ки аз сафар ба манотиқи хавфнок худдорӣ намоянд
Душанбе, 14.05.2016 /АМИТ «Ховар»/. Кумитаи ҳолатҳои фавқулода ва мудофиаи граждании Ҷумҳурии Тоҷикистон /КҲФ ва МГ ҶТ/ боисрор аз шаҳрвандони ҷумҳурӣ хоҳиш менамояд, ки боэҳтиёт бошанд ва аз сафар ба манотиқи хавфнок ва осебпазир худдорӣ намоянд.
Тавре ки ба хабарнигори АМИТ «Ховар» котиби матбуоти КҲФ Ориф Нозимов хабар дод, ин тадбир дар робита ба ҳолати номусоиди обу ҳаво, ки аз 15 то 18 майи соли равон дар ҳудуди кишвар дар назар аст, роҳандозӣ мешавад. Дар ин рӯзҳо эҳтимоли боришоти зиёд, шамолҳои сахт, баланд шудани сатҳи об дар дарёҳо, бориши жола ва раъду барқ вуҷуд дорад, ки метавонанд боиси канда шудани хатҳои неруи барқ, хароб гардидани боми хонаҳои истиқоматӣ ва иншооти иҷтимоӣ, фаромадани ярч, сангрезиҳо ва афтидани дарахтон гарданд.
Илова бар ин, КҲФ ва МГ ҶТ аз шаҳрвандони кишвар хоҳиш менамояд, ки ҳангоми анҷом додани корҳои хоҷагидорӣ ва чаронидани чорво дар чарогоҳҳо ҳушёр бошанд.
Маврид ба зикр аст, ки бар асари боришоти пай дар пайи рӯзҳои охир сокинони баъзе минтақаҳои кишвар хисороти моддӣ диданд.
Аз ҷумла, дар натиҷаи обхезӣ ва ярч сокинони ноҳияҳои Панҷакент, Рӯдакӣ ва Дарвоз хисорот дидаанд. Мутаассифона, талафоти ҷонӣ низ ба қайд гирифта шуд.
ОМОДАГӢ Ба ЗИМИСТОН. Беморхонаи клиникии вилояти Суғд 300 тонна ангишт захира менамояд
Ҳайати Тоҷикистон дар VIII Конгресси байналмилалӣ таҳти унвони «Мероси ниёгони бузург — асоси эҳёи сеюм» иштирок дорад
Ян Ҳуй: «Тоҷикистон хонаи дуюми ман аст»
Тоҷикистон ва Эрон барои табодули таҷрибаи табибон Созишномаи ҳамкорӣ ба имзо расониданд
МАСЛИҲАТИ МУТАХАССИС. Дилаи тарбуз, дона ва ҳатто пӯчоқи он хосияти табобатӣ дорад
Дар Коллеҷи муҳандисию омӯзгории шаҳри Душанбе озмоишгоҳҳои таълимӣ таъсис дода шуданд
Дар Москва дар мавзуи «Саҳми Ибни Сино дар ташаккули соҳаи тиб: осори илмӣ, таҷриба ва назария» ҳамоиш баргузор гардид
Ёддошти тафоҳум оид ба ҳамкорӣ байни Хадамоти иҷрои Тоҷикистон ва Вазорати адлияи Қазоқистон ба имзо расид
Ёддошти ҳамкорӣ байни Иттифоқи ҷавонони Тоҷикистон ва Маҷмааи ҷавонони Қазоқистон ба имзо расид
Ба кормандони Кумита оид ба таҳсилоти ибтидоӣ ва миёнаи касбӣ роҳҳои муқовимат ба коррупсия фаҳмонида шуд
Гурӯҳи кории Вазорати тандурустӣ ва ҳифзи иҷтимоии аҳолии Тоҷикистон бо вазъи беморхонаҳои минтақаи Рашт шинос шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон огоҳ менамояд
