Лигаи чемпионҳои Осиё: Имрӯз бозиҳои 1/8- ниҳоӣ ба анҷом мерасанд

Душанбе, 25.05.2016 /АМИТ «Ховар»/.Дар доираи бозиҳои 1/8- ниҳоии Лигаи чемпионҳои Осиё дастаи «Локомотив»-и Тошканд бар дастаи  «Алҳилол»-и Арабистони Саудӣ(0:0, 2:1) ғалаба карда, ба даври ¼- ниҳоӣ роҳхат гирифт. «Чонбук Ҳундай моторс»-и Кореяи ҷанубӣ ««Мелбурн Виктори»-и Австралияро(1:1,2:1) паси сар гузошт. Тими «Тракторсози Табрез»-и Эрон ҳарчанд дар бозии ҷавобӣ бар «Алнаср»-и Амороти Мутаҳидаи Араб бо натиҷаи 3:1 ғалаба карда бошад ҳам, аз натиҷаи бозии аввал (1:4) муборизаро барои Ҷом аз даст дод.  Клуби футболи «Токио»-и Ҷопон ҳам аз як голи дар майдони худ хӯрдааш дар рақобат бо тими «Шанҳай Сипг»-и Чин(2:1,0:1)  роҳро  ба сӯи  ¼- финал ба ҳарифаш боз кард.
Имрӯз дар идомаи ин бозиҳо «Сидней» бо «Шандунг» (1:1), «Сеул» бо  «Урава ред диамондс» (0:1), «Алҷайш»-и Қатар бо «Леквия» ва «Зубоҳан»-и Эрон бо « Алайн»-и Аморот вориди майдон мешаванд.