Мавзуна Чориева ҳарифи худ аз Тайванро бо ҳисоби 3:0 мағлуб сохт

Май 20, 2016 12:05

Душанбе, 20.05.2016 /АМИТ «Ховар»/. Мавзуна Чориева, варзишгари шӯҳратёри тоҷик дар риштаи бокс дар даври аввали Чемпионати ҷаҳон оид ба ин намуди варзиш, ки дар шаҳри  Остонаи Қазоқистон дар ҷараён аст, аввалин ҳарифи худ Вен-Линг Ченро аз Тайван бо бартарии 3:0 ба мағлубият рӯ ба рӯ кард.
Барандаи медали биринҷии Бозиҳои олимпии соли 2012 дар Лондон Мавзуна Чориева дар вазни 60 кг ният дорад дар охирин мусобиқае, ки роҳхат-литсензияро ба бозиҳои олимпии РИО-2016 медиҳад, ба пирӯзӣ комёб шавад. Рақиби навбатии муштзани тоҷик Яна Алексеевна аз Озарбойҷон мебошад, ки шоми 21 май бо ҳам вориди майдон мешаванд.
Дар ин вазн 47 нафар муддаиён барои медалҳо мубориза мебаранд. Намояндаи дигари кишварамон Шоира Зулқайнарова дар вохӯрии нахустинаш дар вазни 75 кг аз  Сараҳ Шеурих аз Олмон ба нокомӣ дучор шуд ва ҳуқуқи идома додани мусобиқаро аз даст дод.  Охирин шонси ба даст овардани роҳхат ба бозиҳои олимпии Рио-2016 барои Шоира аз даст рафт.
Ёдрас мешавем, ки дар Чемпионати ҷаҳон 285  варзишгар аз 65 давлат иштирок доранд ва он  то 27 май идома меёбад.

Май 20, 2016 12:05

Хабарҳои дигари ин бахш

Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт
Лигаи футболи Тоҷикистон беҳтаринҳои моҳи июнро дар мусобиқаи ҳайатҳои ҷавонон маълум намуд
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд
ҶОМИ ОСИЁ. Паҳлавонони тоҷик дар ин мусобиқот ба медалҳои тилло сарфароз гардиданд
ЧЕМПИОНАТИ CAFA-2024. Дастаи мунтахаби ҷавонони Тоҷикистон бар Афғонистон ғолиб омад
Лигаи Олӣ ва Лигаи якуми Тоҷикистон беҳтарин бозингар ва беҳтарин мураббии моҳи июнро муайян намуданд