«Регар ТадАЗ» ва «Ҳосилот» дар бозии марказии даври 6 бо ҳам рақобат мекунанд

Душанбе, 14.05.2016 /АМИТ «Ховар»/.Дар чаҳорчӯби бозиҳои даври 6 Чемпионати мамлакат дар Лигаи олӣ бозии байни дастаҳои «Регар ТадАЗ» ва «Ҳосилот»-и Фархор, ки дар зинаҳои дуюм ва сеюм қарор доранд, бозии марказӣ ба ҳисоб меравад. Ин вохӯриро гурӯҳи доварон таҳти роҳбарии Хуршед Дадабоев аз шаҳри Хуҷанд ҳакамӣ мекунанд. Тибқи қарори ФФТ минбаъд бозиҳо дар соати 17 оғоз мешаванд.
Ба ҳамин тартиб, имрӯз «Парвоз» бо «Барқчӣ», КМВА «Помир» бо «Равшан», 15 май «Регар ТадАЗ» бо «Ҳосилот», «Истиқлол» бо «Вахш» ва «Хуҷанд» бо «Хайр» вориди майдон мешаванд.
Ёдрас мешавем, ки «Истиқлол» баъди 5 давр бо касби 15 имтиёз дар зинаи аввал ҷойгир шудааст. «Равшан» то ба ҳанӯз ягон хол ба даст наоварда, дар мавқеи охирин қарор гирифтааст.