Ғалабаи тими Олмон бар Словакия

Душанбе, 28.06.2016. /АМИТ «Ховар»/.   Дастаи мунтахаби Олмон бори дигар исбот намуд, ки дар Ҷоми Аврупои кунунӣ довталаби асосист. Ҳарифи чемпионҳои ҷаҳон дар марҳилаи 1/8-ниҳоии Чемпионати Аврупо тими мунтахаби футболи Славакия ба ҳисоб мерафт ва олмониҳо бе ягон мушкилӣ кори худро дар муқобили ин рақибашон ҳалл намуданд. Муҳофизатгари тими мунтахаби Олмон Жером Боатенг бо зарбаи аз масофаи дур задааш дар дақиқаи 8-уми дидор ҳисобро кушод. Баъдан Мисут Озил дар дақиаи 13-ум зарбаи 11- метараро анҷом дод, аммо дарвозабони ҳариф Матуш Козачик дарвозаашро аз ин гол наҷот дод.
Дар қисми аввали бозӣ ҳамлагари тими  мунтахаби Олмон Марио Гомес голи дуюми дастаашро ба самар расонид. Дар дақиқаи 63-юми вохӯрӣ Юлиан Дракслер маротибаи сеюм дарвозабони дастаи мунтахаби Славакияро маҷбур намуд, ки тӯбро аз дохили дарвозааш берун биёрад. Билохира футболбозони олмонӣ баъди ин музаффарият ба даври навбатӣ роҳ ёфтанду рақиби ояндаашонро интизоранд.