Вазири корҳои дохилӣ бо фармондеҳи Пойгоҳи низомии 201-уми Федератсияи Русия мулоқот кард
Душанбе, 17.06.2016 /АМИТ «Ховар»/. Имрӯз вазири корҳои дохилии Ҷумҳурии Тоҷикистон Раҳимзода Рамазон Ҳамро бо фармондеҳи Пойгоҳи низомии 201-уми Федератсияи Русия, мустақар дар Ҷумҳурии Тоҷикистон полковник Денис Лямин вохӯрӣ доир намуд.
Тавре аз Вазорати корҳои дохилии ҶТ хабар доданд, зимни вохӯрӣ масоили ҳамоҳангсозии фаъолият ва ҳамкории муштарак дар мубориза бар зидди терроризм мавриди баррасӣ қарор гирифтанд.
Вазири корҳои дохилӣ зикр кард, ки вазифаи мақомоти корҳои дохилӣ на танҳо аз мубориза бар зидди ҷинояткорӣ, ҳифзи тартиботи ҷамъиятӣ, ҳуқуқу озодиҳои шаҳрвандон, балки дар ҳамоҳангсозӣ бо дигар мақомот аз муқовимат бо ҷиноятҳои фаромиллӣ ва хатару таҳдидҳои замони муосир иборат мебошад.
Фармондеҳи Пойгоҳи низомии 201-уми Федератсияи Русия полковник Денис Лямин дар навбати худ изҳор намуд, ки мо бо мақомоти ҳифзи ҳуқуқ ва қудратии Ҷумҳурии Тоҷикистон, аз ҷумла, Вазорати корҳои дохилӣ ва Вазорати мудофиа ҳамкории дуҷониба ва судманд роҳандозӣ намудаем.
Дар ҷараёни вохӯрӣ ҷонибҳо барои боз ҳам тақвият бахшидани ҳамкории мутақобилан судманд изҳори боварӣ намуданд.
Мавриди зикр аст, ки ҳайати шахсии Пойгоҳи низомии 201-уми Федератсияи Русия зимни бартарафсозии оқибатҳои офати табиӣ, ки 12-уми майи соли равон дар натиҷаи боришоти зиёд ба ҷамоати деҳоти Зайнабободу шаҳраки М.Турсунзодаи ноҳияи Рӯдакӣ хисороти зиёде расид, саҳми арзанда гузошта, ба воситаи мошинҳои обкашонӣ ва мотопомпаҳои обкаш обу лойи ҷамъшудаи дохили манзилҳои истиқоматӣ, таҳхона, ҳавлӣ, кӯчаю роҳравҳо, мактаб, идораи ҷамоат ва мағозаю нуқтаҳои савдоро кашида, дар якҷоягӣ бо кормандони мақомоти корҳои дохилӣ ба мардуми зарардида ёрии амалии худро расонида буданд.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
