Федератсияи футболи Португалия соҳиби 25,5 миллион евро гардид

Душанбе, 11.07.2016. /АМИТ «Ховар»/. Баъди пирӯзии тими мунтахаби Португалия дар бозии ниҳоии Чемпионати Аврупо оид ба футбол Федератсияи футболи ин кишвар аз УЭФА 25,5 миллион евроро ба ҳайси  ҷоиза ба даст овард. Дастаи мунтахаби Фаронса баъди  мағлубияташ дар бозии ниҳоӣ аз Португалия (0:1) соҳиби 23, 5 миллион евро гардид.
Ёдовар мешавем, ки ҳамаи иштирокдорони бозиҳои ниҳоии Чемпионати Аврупо-2016 бо маблағи 8 миллион евроӣ сарфароз гардиданд. Ба ҳар як дастае, ки дар як бозӣ ба ғалаба комёб шудааст, 1миллион евро ва барои мусовӣ 500 000 евро пешбинӣ шуда буд.