Хоҷагиҳои ёрирасон қисмҳои низомии ВКД-ро бо маҳсулоти тару тоза таъмин менамоянд
Душанбе, 18.07.2016. /АМИТ «Ховар»/. 16 июл вазири корҳои дохилии Ҷумҳурии Тоҷикистон, генерал-лейтенанти милитсия Рамазон Раҳимзода аз хоҷагии ёрирасони намунавии раёсати қӯшунҳои дохилии Вазорати корҳои дохилӣ, ки дар минтақаи фурудгоҳи шаҳри Душанбе ҷойгир аст, боздид ба амал овард.
Тавре аз Вазорати корҳои дохилии кишвар хабар доданд, вазири корҳои дохилӣ ба сардорони раёсати ВКД дар вилоятҳо барои кишту кори такрорӣ ва ба даст овардани ҳосили хуб, ҳамчунин мисли хоҷагии мазкур намунавӣ намудани хоҷагиҳои ёрирасони сохторҳои вилоятию минтақавӣ дастуру супоришҳои мушаххас дод.
Мавриди зикр аст, ки Муассисаи давлатии хоҷагии ёрирасони раёсати қӯшунҳои дохилии ВКД Ҷумҳурии Тоҷикистон наздики 50 га замин дошта, дар он кишоварзӣ, чорводорӣ ва занбӯрпарварӣ ба роҳ монда шудааст.
Хоҷагиҳои ёрирасони Вазорати корҳои дохилӣ дар шаҳру ноҳияҳои Ҷиргатол, Нуробод, Рашт, Ҳисор, Шаҳринав, Турсунзода, Ёвон дар минтақаи фурудгоҳи шаҳри Душанбе, вилоятҳои Суғд ва Хатлон ҷойгир буда, айни замон дар ин заминҳо маҳсулоти гуногуни хоҷагии қишлоқ кишт карда шудааст.
Ин хоҷагиҳо ҳайати шахсии қисмҳои низомии раёсати қӯшунҳои дохилӣ, воҳидҳои таъиноти махсус, раёсати тиббӣ ва Академияи Вазорати корҳои дохилиро бо маҳсулоти тару тоза таъмин менамоянд.
Имрӯз дар дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
