Кӯлоб: Таъмини газ ба аҳолӣ беҳтар гардид
Кӯлоб, 19.07.2016 /АМИТ «Ховар»/. Бо дастгирии Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани сатҳи иқтисодию иҷтимоии аҳолии шаҳри Кӯлоб аз ҷониби ҶСК «Кӯлобгаз» аз 1 июни соли равон интиқоли гази табиӣ роҳандозӣ гардидааст, ки айни ҳол маҳаллаҳои Борбад, Ш.Шоҳин, С.Сангов, Ҳ.Аҳмар, Ҷ.Расулов, 4 ҳазор хонаҳои истиқоматӣ ва таваллудхона пурра бо гази табиӣ таъминанд.
Ба қавли директори ҷамъият Бахтиёр Ҷалолов, дар моҳи июни соли ҷорӣ 70 ҳазор метри кубӣ газ аз кони Пушиёни ҷанубӣ харидорӣ карда шудааст ва аҳолӣ ҳоло 24 соат бо газ таъмин мебошанд. Ба гуфти манбаъ, бо дастгирии ҶДММ «Ҷалолӣ» ва ҶСК «Нафтугаз» дар Пушиёни ҷанубӣ дар чоҳи №5, ки чуқуриаш 850 метрро дарбар мегирад, гази табииро истихроҷ менамоянд. Нархи гази табиӣ ба ҳар як оила 30 сомониро ташкил дода, сифат ва фурӯши он дар сатҳи баланд ба роҳ монда шудааст. Масъулини ҷамъият тасмим гирифтаанд дар оянда се маҳаллаи дигарро ба гази табиӣ таъмин намоянд.
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
