Нусратулло Давлатзода, раиси Кумитаи андози назди Ҳукумати ҶТ: «Ба буҳрони иқтисодӣ нигоҳ накарда, дар давраи ҳисоботӣ ба ҷои 3,9 млрд. сомонии пешбинишуда ба буҷет 4,1 млрд. сомонӣ ворид карда шуд»

Июль 22, 2016 15:34

Душанбе, 22.07.16. /АМИТ «Ховар»/. «Дар шаш моҳи соли ҷорӣ  18 шаҳру ноҳияҳои ҷумҳурӣ нақшаи қисми даромади буҷети давлатиро иҷро накарданд»,-иброз намуд раиси Кумитаи андози назди Ҳукумати ҶТ Нусратулло Давлатзода зимни нишасти хабарӣ.
Ба иттилои ӯ, ҳар шаҳру ноҳия сабабҳои объективӣ дошта, сабаби асосии таъмин нагардидани иҷрои нақшаи андозҳо ин пеш аз ҳама, таъсири буҳрони ҷаҳонӣ мебошад.
Масалан, шаҳри Ҳисор бо сабаби суст гардидани фаъолияти корхонаҳояш ва рушди истеҳсолоташ  3-4 соли охир аз иҷрои нақшаи буҷети давлатӣ баромада наметавонад.
Н. Давлатзода зикр кард, ки ба иҷроиши нақша нигоҳ накарда, дар давраи ҳисоботӣ ба ҷои  3,9 млрд. сомонии пешбинишуда ба буҷет 4,1 млрд. сомонӣ ворид карда шуд, ки он нисбат ба нишондиҳандаҳои нақшавӣ 200 млн. сомонӣ ва нисбат ба маблағҳои дар ҳамин давраи соли гузашта ҷамъоваришуда 375 млн. сомонӣ зиёд мебошад.
Инчунин дар нимсолаи аввал аз тарафи мақомоти андози ҷумҳурӣ зиёда аз 12 400 ҳолати ҳуқуқвайронкуниҳо ошкор ва шахсони дахлдор ба ҷавобгарии маъмурӣ кашида шуда, ба онҳо ба маблағи умумии 104,5 млн. сомонӣ ҷаримаҳои маъмурӣ татбиқ гардида, аз ин ҳисоб  ба буҷети ҷумҳуриявӣ 53 млн. сомонӣ ворид карда шуд.

Июль 22, 2016 15:34

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад