Пойтахт дорои макони баргузории ярмаркаҳо мегардад
Душанбе, 08.07.2016/АМИТ «Ховар»/. Минбаъд дар майдони назди «Маҷмааи савдои Пойтахт-90» ярмаркаҳои доимоамалкунандаи фурӯши маҳсулоти кишоварзию агросаноатӣ ташкил карда мешавад.
Ин тадбир бо мақсади таъмини доимии бозори истеъмолии пойтахт бо маҳсулоти кишоварзию агросаноатӣ ва дигар молҳои ниёзи аввал ва ба низом даровардани раванди баргузории ярмаркаҳо дар ҳудуди пойтахт андешида шудааст.
Инчунин дар ин майдон аксияҳои гуногуни таблиғотии молистеҳсолкунандагони ватаниву хориҷӣ гузаронида шуда, дар рӯзҳои истироҳатӣ ва арафаи ҷашну идҳо ба соҳибкорон, ширкатҳо ва хоҷагиҳои деҳқоние, ки молу маҳсулот истеҳсол мекунанд, барои иштирок дар онҳо ба таври ройгон иҷозат дода мешаванд.
Дар ин росто, Мақомоти иҷроияи ҳокимияти давлатӣ дар шаҳри Душанбе ба масъулини сохторҳои марбутаи пойтахт дастур додааст, ки дар асоси муқаррароти қонунгузорию санадҳои меъёрии ҳуқуқӣ назорати сифати молу маҳсулоти пешниҳодшударо дар ярмаркаҳо ва вазифаю ваколатҳояшонро ҳангоми баргузории ярмаркаю аксияҳои таъмин намоянд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
