Тасмими ниҳоиро дар масъалаи ҳамроҳшавии кишвар ба ИИАО ҳукумат мегирад
Душанбе, 20.07.2016. /АМИТ «Ховар»/. «Масъалаи ҳамроҳ шудани Тоҷикистон ба Иттиҳоди иқтисодии АвруОсиё /ИИАО/ дар баррасии Ҳукумати Ҷумҳурии Тоҷикистон мебошад»,-гуфт дар ҷамъи хабарнигорон дар Душанбе Абдуфаттоҳи Ғоиб, сардори Хадамоти гумруки назди Ҳукумати Ҷумҳурии Тоҷикистон.
Мавсуф афзуд, ки ин масъала дар маркази таваҷҷуҳи воситаҳои ахбори омма ва дигар идораҳои марбутаи кишвар қарор дорад. Дар ин самт гурӯҳи коршиносон фаъолият доранд, ки дар ҳайати он намояндаи Хадамоти гумруки кишвар низ шомил мебошад ва зарфияти масъалаи ҳамроҳшавии ҷумҳурӣ ба ин иттиҳоди иқтисодӣ ҳаматарафа таҳлил ва омӯхта мешавад.
Роҳбари мақомоти гумруки кишвар зикр намуд, ки тамоми маводи таҳлилӣ марбут ба паҳлуҳои ин масъала ба Ҳукумати Ҷумҳурии Тоҷикистон пешниҳод гардидааст ва тасмими ниҳоиро дар мавриди ҳамроҳшавии ҷумҳурӣ ба ИИАО ҳукумати мамлакат мегирад.
Ёдовар мешавем, ки Иттиҳоди иқтисодии АвруОсиё соли 2010 таъсис дода шудааст. ИИАО, ки қаблан Иттиҳоди гумрукӣ номида мешуд, дар ҳайати худ панҷ кишвари собиқ шӯравӣ: Арманистон, Беларус, Русия, Қазоқистон ва Қирғизистонро муттаҳид намудааст.
Дар шаҳри Душанбе дарси маҳорати байналмилалӣ оғоз гардид
Дар ноҳияи Рӯшон кишти баҳорӣ оғоз гардид
Имрӯз дар Тоҷикистон бориши борон пешгӯӣ мешавад
Имрӯз дар Тоҷикистон чангу ғубор ба амал меояд
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
Имрӯз дар водиҳои Тоҷикистон ҳаво то 31 дараҷа гарм мешавад
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
