Шаҳри Панҷакент ғолиби фестивал-озмуни «Андалеб-2016» гардид
Душанбе, 24.08.2016. /АМИТ «Ховар»/. 23 август дар Филармонияи давлатии Тоҷикистон ба номи Акашариф Ҷӯраев маросими ҷамъбасти озмуни ҷумҳуриявии телевизионии эҷодиёти халқ «Андалеб-2016» баргузор гардид.
Вазири фарҳанги кишвар Шамсиддин Орумбекзода дар ҷамъбасти озмун иброз дошт, ки: «Мероси ғановатманди таърихию фарҳангии халқи тоҷик яке аз захираҳои тамомнашавандаи рушди фарҳанги миллӣ ба шумор меравад. Эъҷози санъат ва ҳунар воқеан муъҷизаеро мемонад, ки он ба мустаҳкам намудани асосҳои маънавии ҷомеа, ташаккули афкори созанда, бедор намудани ҳисси ифтихори миллӣ ва хештаншиносӣ равона гардидааст».
Сипас дар маросими ҷамъбасти озмун ба 26 намоиши беҳтарини иштирокчиёни даври ниҳоӣ, ки сазовори баҳои баланд, яъне 10 хол гардида буданд, туҳфа ва диплом тақдим карда шуд.
Бояд гуфт, ки шоҳҷоиза насиби ҳунармандони шаҳри Панҷакент гардид, ки бо гирифтани 102,5 хол ғолибиятро ба даст оварданд.
Ҷои якум насиби се ноҳия: ноҳияи Синои ш. Душанбе, ноҳияи Файзобод ва ноҳияи Тоҷикобод гардид. Ҷои дуюмро ноҳияи Рӯдакӣ, шаҳри Кӯлоб ва ноҳияи Вахш ишғол намуданд. Ҷои сеюм насиби ноҳияи Рӯшон, шаҳри Ҳисор ва ноҳияи Роғун гардид.
Дар охир гулчини барномаҳо манзури тамошобинон гардонида шуд.
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
