Дар ноҳияҳои Сангвору Рашту Нурободу Лахш Рӯзи дониш хотирмон таҷлил шуд
Душанбе, 1.09.14. /АМИТ «Ховар»/. Субҳи имрӯз дар ҳамаи муассисаҳои таълимӣ ва марказҳои фарҳангии ҷавонону чойхонаҳои ҷамъиятии ноҳияҳои Сангвору Рашту Нуробод ва Тоҷикободу Лахш бо иштироки раисони ноҳияҳо ва роҳбарони ташкилоту идораҳо ва вакилони халқ Рўзи дониш бо шукўҳу шаҳомати хосса ҷашн гирифта шуд .
Субҳи 1-уми сентябр хонандагону донишҷўёни муассисаҳои таълимии ноҳияҳои мазкур дар якҷоягӣ бо раисони ноҳияҳо, роҳбарони мақомоти ҳифзи ҳуқуқ, раисони ҷамоатҳои шаҳраку деҳот тавассути оинаи нилгун мустақиман суханронии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба муносибати Дарси сулҳ тамошо намуданд. Сипас, тибқи ҷадвали дарсӣ машғулиятҳо оғоз шуданд.
Раиси ноҳияи Тоҷикобод Ализода Ҳусейн Хоҷамир ва роҳбарони мақомоти ҳифзи ҳуқуқи ноҳия дар ин рӯз хонандагони муассисаи таълимии рақами 13-и деҳаи Капалии ноҳияро, ки чанде пеш аз офати табиӣ зарар дида буд, бо Рӯзи дониш табрик намуда, ба онҳо гуфтанд, ки рӯҳафтода нашуда, бо баҳои хубу аъло дарс хонанд.
Сипас, хонандагону меҳмонон суханронии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба муносибати Дарси сулҳ дар якҷоягӣ бо хонандагон тамошо карданд.
Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
