Алӣ Рифат Коксал: «Ширкатҳои туркӣ тӯли 6 соли охир зиёда аз 150 млн доллар ба иқтисодиёти Тоҷикистон сармоягузорӣ кардаанд»

Ноябрь 22, 2016 14:08

Душанбе, 22.11.2016. /АМИТ «Ховар»/. «Ширкатҳои туркӣ тӯли 6 соли охир зиёда аз 150 млн доллар ба иқтисодиёти Тоҷикистон сармоягузорӣ намудаанд»,-иброз дошт имрӯз дар нишасти хабарӣ пас аз супоридани эътимоднома ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сафири Ҷумҳурии Туркия дар Ҷумҳурии Тоҷикистон Алӣ Рифат Коксал.
Ба гуфти Алӣ Рифат Коксал, дар соли 2015 ширкатҳои туркӣ зиёда аз 50 млн доллари амрикоӣ сармоягузорӣ кардаанд. Дар робита ба ин ширкатҳои сохтмонии Туркия дар Тоҷикистон ба маблағи беш аз 600 млн доллар лоиҳаҳоро амалӣ намудаанд.
«Имрӯз Туркия яке аз ҷойҳои аввалро дар содироти молҳои Тоҷикистон ишғол намудааст. Гардиши молӣ байни Туркия ва Тоҷикистон 200 млн долларро ташкил медиҳад. Дар байни давлатҳои дунё Туркия дар гардиши савдо бо Тоҷикистон дар мақоми чорум меистад»,- гуфт Сафири Туркия.
«Албатта, мо бо ин нишондиҳандаҳо қаноатманд нестем, зеро ҳоло иқтидори мавҷудаи истифоданашуда бузург мебошад», — таъкид намуд Сафири Ҷумҳурии Туркия дар Ҷумҳурии Тоҷикистон Алӣ Рифат Коксал.
Инчунин пас аз супоридани эътимоднома ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сафири Фавқулода ва Мухтори Мамлакати Арабистони Саудӣ Абдулазиз ибни Муҳаммад ал-Бодӣ, Ҷумҳурии Халқии Бангладеш Маҷибул Раҳман Буиян, Ҷумҳурии Юнон Андреас Фриганас дар ҳузури хабарнигорон андешаҳояшонро иброз дошта, аз таъйин шуданашон ба ҳайси Сафир дар Тоҷикистон изҳори қаноатмандӣ карданд. Ин сафирон омадагии худро барои ба сатҳи нав баровардани муносибатҳои кишварҳояшон бо Ҷумҳурии Тоҷикистон таъкид намуданд.

Ноябрь 22, 2016 14:08

Хабарҳои дигари ин бахш

Душанбе мизбони ҷаласаи навбатии Шурои ҳамкории фарҳангии ИДМ мегардад
Рушди робитаҳои иқтисодию молиявии Тоҷикистон ва Чин баррасӣ гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар Хатлон даври вилоятии озмун оғоз гардид
Имрӯз дар шаҳри Душанбе ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид