Футбол: роҳхати ягонаро бонувони Ӯзбекистон ба даст оварданд
Душанбе, 02.10.2016 /АМИТ «Ховар»/. Дар шаҳри Душанбе мусобиқаи интихобии Чемпионати Осиё оид ба футбол байни бонувони то 19-сола дар гурӯҳи «Б» ба поён расид, ки дар он футболбозони ҳамсоякишвар- Ӯзбекистон ғолиб омада, ягона роҳхатро ба бозиҳои ниҳоии Чемпионати Осиё, ки соли оянда дар Чин барпо мегардад, бо худ бурданд.
Дар бозии охирини худ дастаи мунтахаби бонувони Ӯзбекистон бар ҳарифи асосиаш дар ин гурӯҳ-дастаи мунтахаби Тайбейи Чин бо ҳисоби 1:0 ғалаба кард. Тӯбро Мафтуна Панҷиева дар дақиқаи 26-ум аз зарбаи пеналтӣ ба ҳадаф расонд.
Дар бозии дигари даври сеюм футболбозони кишварамон аз дастаи мунтахаби Гонконг бо натиҷаи 1:0 мағлуб шуданд. Дар ин вохӯрӣ низ тақдири бозиро ягона гол аз зарбаи пеналтӣ ба нафъи меҳмонон ҳал кард. Пуи Ки Чунг муаллифи ин гол шуд.
Ба ҳамин тартиб дастаи мунтахаби Ӯзбекистон дар се бозӣ, Тайбейи Чин дар ду вохӯрӣ ва Гонконг дар як бозӣ пирӯз гардиданд.
Мавқеи дастаҳо дар ҷадвали ниҳоии бозиҳои интихобӣ дар гурӯҳи «Б» дар шаҳри Душанбе чунин аст:
| Б | Ғ | М | Б | Т/Т | И | ||
| 1 | Узбекистон | 3 | 3 | 0 | 0 | 7-0 | 9 |
| 2 | Тайбейи Чин | 3 | 2 | 0 | 1 | 8-3 | 6 |
| 3 | Гонконг | 3 | 1 | 0 | 2 | 1-6 | 3 |
| 4 | Тоҷикистон | 3 | 0 | 0 | 3 | 2-9 | 0 |
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
