Оид ба мубориза бар зидди коррупсия дар Парлумони мамлакат машварат баргузор гардид

Ноябрь 19, 2016 10:44

Душанбе, 19.11.2016 /АМИТ «Ховар»/. Дирӯз дар Маҷлиси намояндагони Маҷлиси Олӣ барои вакилони палатаи поёнии Парлумони мамлакат ва кормандони масъули дастгоҳи ин мақоми олии қонунбарорӣ машварати омӯзишӣ баргузор гардид. Дар ин бора ба АМИТ «Ховар» сардори хадамоти матбуотии Парлумон Муҳаммадато Султонов маълумот дод. Мувофиқи иттилои М. Султонов, зимни машварати омӯзишӣ Ҷурахон Маҷидзода, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният роҷеъ ба Қонун «Дар бораи мубориза бар зидди коррупсия» маърӯза кард.
Ҷ.Маҷидзода изҳор намуд, ки ҳадаф аз баргузории машварати омӯзишӣ ба ҳар як фард расонидани зарурати мубориза бар зидди коррупсия, аз байн бурдани бетарафӣ нисбат ба коррупсия ва бо ҳамин восита ташаккули мафкураи зиддикоррупсионӣ дар ҷомеа мебошад.
«Маҳз ҳамин Қонун ба ҳифзи ҳуқуқу озодиҳои инсон ва шаҳрванд, манфиатҳои ҷамъият, таъмини амнияти миллӣ, фаъолияти мӯътадили мақомоти ҳокимияти давлатӣ, поктинатӣ ва беғаразӣ дар хизмати давлатӣ равона гардида, асосҳои ташкилию ҳуқуқии пешгирӣ, ошкоркунӣ, кушодан ва барҳам додани оқибатҳои ҳуқуқвайронкуниҳои ба коррупсия алоқаманд ва ба ҷавобгарӣ кашидани шахсро муқаррар менамояд, — гуфт Ҷурахон Маҷдзода ва илова кард, ки «Қонун «Дар бораи мубориза бар зидди коррупсия» навъи ҳуқуқвайронкуниҳои ба коррупсия алоқаманд буда, инчунин чораҳои ҷавобгариро барои содир кардани ин навъи ҷиноятҳо муайян кардааст».
Бояд гуфт, ки бо мақсади роҳ надодан ба суиистифодаи вазъи ҳуқуқӣ ё нуфузи он ба манфиатҳои шахсӣ, гурӯҳӣ ва дигар манфиатҳои ғайрихизматӣ бо Қонуни мазкур ва дигар қонунҳои Ҷумҳурии Тоҷикистон нисбат ба довталабони мансабҳои давлатӣ, шахсони ба иҷрои вазифаҳои давлатӣ ваколатдор, инчунин шахсони ба онҳо баробар кардашуда, маҳдудият ва уҳдадориҳои махсус ҷорӣ карда шуданд.
Ҳамчунин мавриди зикр аст, ки Тоҷикистон тибқи санадҳои ҳуқуқии байналмилалии эътирофнамуда дар соҳаи мубориза бар зидди коррупсия, бо такя ба принсипҳои ҳамкории байналмилалии ҳуқуқӣ, ҳамкорӣ бо давлатҳои хориҷӣ ва ташкилотҳои байналмилалиро дар сатҳи зарурӣ ба роҳ мондааст.
Баргузор гардидани машварати омӯзишӣ бо иштироки вакилони Маҷлиси намояндагон бори дигар шаҳодат аз он медиҳад, ки дар Тоҷикистон ба масъалаи мубориза ба муқобили коррупсия таваҷҷуҳи хосса зоҳир карда мешавад.

Ноябрь 19, 2016 10:44

Хабарҳои дигари ин бахш

Дар Хоруғ озмуни «Расми беҳтарин дар мавзуи бехатарӣ аз сӯхтор» баргузор гардид
Имрӯз дар Тоҷикистон ҳавои тағйирёбанда шуда, борону барф меборад
Дар Ҷамоати деҳоти Қаратоғи шаҳри Турсунзода оид ба риояи қонунҳои миллӣ вохӯрӣ доир шуд
Имсол азхудкунии 3410 гектар заминҳои нави обёришаванда ба нақша гирифта шудааст
Ҷаласаи нахустини Раёсати Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» доир гардид
СОҲИБ ТАБАРОВ – МУНАҚҚИДИ ВОҚЕЪБИНУ СОҲИБМАКТАБ. Андешаҳои профессор Аламхон Кӯчарзода бахшида ба 100-солагии ин адабиётшиноси маъруфи тоҷик
Имрӯз дар бештари манотиқи Тоҷикистон пастшавии ҳарорати ҳаво пешгӯӣ мешавад
Ба Ҷоизаи сулҳи Нобел дар соли 2024 285 номзад пешниҳод гардид
Имрӯз дар Душанбе сардии ҳаво ба 2 дараҷа мерасад
Байни донишҷӯдухтарони Донишгоҳи давлатии ҳуқуқ, бизнес ва сиёсати Тоҷикистон мусобиқаҳои варзишӣ оғоз ёфтанд
Сӯхтори ҷангал дар Техас дар таърихи мушоҳидаҳои иёлат дуюмин бузургтарин гардид
Созмони Милали Муттаҳид барои кумак ба Эфиопияи шимолӣ, ки аз хушксолӣ зарар дидааст, 17 миллион доллари ИМА ҷудо намуд