Ҷоми ҷаҳон-2018: Дастаи мунтахаби Ӯзбекистон мақоми дуюмро аз даст дод

Душанбе, 16.11.2016 /АМИТ «Ховар»/. Дирӯз дар қитъаи Осиё даври 5-уми бозиҳои интихобии Ҷоми ҷаҳон-2018 баргузор гардид. Дастаи мунтахаби Ӯзбекистон дар гурӯҳи «А» дар мизбонии дастаи мунтахаби Кореяи ҷанубӣ бо натиҷаи 2:1 мағлуб гардид. Сараввал футболбозони ӯзбек баъди голи Марат Бикмаев дар дақиқаи 25-ум ба сафи пеш баромаданд. Аммо бо дастгирии беш аз 30 000 мухлис дар нимаи дуввуми бозӣ  соҳибони майдон-футболбозони Кореяи ҷанубӣ бо голҳои задаи Нам Таини (67) ва Ко Йо Чол (86) ба ғалабаи ниҳоят муҳим комёб гардиданд. Баъди ин бохт дастаи мунтахаби Ӯзбекистон аз зинаи дуюм ба сеюм фаромад.

Дар ин рӯз дар гурӯҳи «А» бозии дастаҳои мунтахаби Чин бо Қатар ва Сурия бо Эрон бо натиҷаи якхелаи 0:0 анҷом ёфтанд. Мусобиқаи боқимондаи дастаҳо дар соли 2017 идома меёбад. Мавқеи дастаҳо дар гурӯҳи «А» чунин аст:

Дар гурӯҳи «В» чунин натиҷаҳо ба даст омаданд ва ҷадвали мусобиқа  чунин шакл гирифтааст:

Ба ҳамин тартиб, ёдрас мешавем, ки аз ҳар гурӯҳ ду дастаи беҳтарин ба бозиҳои ниҳоии Чемпионати ҷаҳон-2018, ки дар Русия баргузор мегардад, роҳхат мегиранд. Соҳиби ҷойҳои сеюми гурӯҳҳо байни ҳам қувва месанҷанд ва барои ба бозиҳои ниҳоӣ рафтан бо дастаи КОНКАКАФ  барои як роҳхати дигар мубориза мебаранд.