Дастаи мунтахаби футболи ҷавонони то 18-сола ба машқҳо шурӯъ кард

Декабрь 15, 2016 08:50

ДУШАНБЕ, 15.12.2016 /АМИТ «Ховар»/. Дастаи мунтахаби то 18-солаи Тоҷикистон оид ба футбол аз дирӯз дар шаҳри Душанбе ба машқҳои худ оғоз кард. Футболбозони ҷавони мо дар мусобиқаи байналмилалӣ барои хотира ва ҷоизаи аввалин ноиби президенти ФИФА Валентин Гранаткин, ки  аз 8 то 21 январ дар шаҳри Санкт-Петербурги Россия  мегузарад, ширкат меварзанд.  Дар ин бора сомонаи расмии ФФТ хабар медиҳад.
«Дар мусобиқа дастаҳои мунтахаби ҷавонони Россия, Тоҷикистон, Словакия, Юнон, Озарбойҷон, Булғория, Ҳиндустон, Эрон, Словения, Беларус, Қазоқистон, Эстония, Латвия, Литва ва Молдова иштирок мекунанд»,-хабар медиҳад манбаъ.
Дастаи мунтахаби Тоҷикистон тамринҳои марҳалаи аввалро дар шаҳри Душанбе то 30 юми декабр идома медиҳад. Ба ҳайати даста мураббиён ин бозингаронро даъват кардаанд:
Дарвозабонҳо:  Далер Азизов («Регар-ТадАЗ»), Ҳомид Исоқов («Вахш»), Меҳвар Сулаймонов («Истиқлол»), Хисрав Раҳимов («Саройкамар»);
Муҳофизатгарон:  Султоншо Мирзоев («Помир»), Зиёвуддин Фузайлов, Ҳусейн Нурматов, Ҳувайдо Малиев, Ваҳдат Ханонов («Барқчӣ»), Маҳмадзарифи Абдураҳим, Манучеҳр Сафаров («Помир»), Оятулло Сафаров («Истиқлол»);
Нимҳимоятгарон:  Кароматулло Саидов («Барқчӣ»), Эҳсони Панҷшанбе, Шериддин Бобоев, Шаҳбоз Шарифӣ («Истиқлол»), Саидмухтор Азимов, Фаридун Неъматов, Шервонӣ Мабатшоев, Шаҳзод Давлатов («Помир»), Далер Ёдгоров («Барқчӣ»), Умарҷон Шарифов, Валӣ Зарифов («Вахш»), Сорбон Авғонов («Панҷшер»);
Ҳамлагарон: Нуриддин Ҳамроқулов («Барқчӣ»), Аваз Қамчинов («Равшан»), Шаҳром Самиев, Тоҳир Маладӯстов («Помир»), Мубинҷон Мӯминов («Хуҷанд»).
Тибқи низомномаи мусобиқа 16 даста дар чор гурӯҳ бо ҳам мусобиқа меороянд. Ду дастаи беҳтарин аз гурӯҳҳо муборизаро барои Ҷом идома медиҳанд ва бо ҳам ҷойҳои аз 1 то 8-умро тақсим мекунанд. Дастаҳои боқимонда дар вохӯриҳои плей-офф барои худ ҷойҳои боқимондаро муайян менамоянд.

Декабрь 15, 2016 08:50

Хабарҳои дигари ин бахш

Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт
Чор паҳлавони тоҷик соҳиби шоҳҷоизаҳо дар мусобиқаи гӯштини миллӣ дар ноҳияи Данғара шуданд
Моҳи май дар Душанбе Мусобиқаи байналмилалии Гран — Слам оид ба гӯштини ҷудо баргузор мегардад
Шакармамад Мирмамадов барандаи Шоҳҷоизаи Мусобиқаи байналмилалии гӯштини миллӣ дар шаҳри Хоруғ гардид