12 нафар донишҷӯи ДДТТ дар донишгоҳҳои хориҷи кишвар таҳсил доранд
ДУШАНБЕ, 12.01.2017. /АМИТ «Ховар»/. Дар донишгоҳҳои хориҷи кишвар ҳоло 12 нафар донишҷӯ — 1 нафар дар зинаи магистратураи Донишгоҳи савдою кооператсияи Беларус, 1 нафар дар риштаи магистратураи Донишгоҳи кооператсияи матлуботи Сибир, 3 нафар омӯзгорони донишгоҳ дар риштаи магистратура ва PhD-и Донишгоҳи Пизаи Италия, 1 нафар донишҷӯи факултети муносибатҳои иқтисодии байналмилалӣ дар зинаи бакалаври Донишгоҳи Ховари Анқара, 5 нафар донишҷӯёни факултети муносибатҳои иқтисодии байналмилалӣ дар риштаи бакалаври Донишгоҳи Кемянги Кореяи Ҷанубӣ таҳсил доранд. Дар ин бора имрӯз дар нишасти матбуотии Донишгоҳи давлатии тиҷорати Тоҷикистон хабар дода шуд.
Ба гуфтаи ректори Донишгоҳ Мумин Шарифзода, байни ДДТТ ва Донишгоҳи «Хоҷагии халқ», Донишгоҳи Алмаато ва Донишгоҳи иқтисодии Қарағандаи Қазоқистон ҳамкории самаранок ба роҳ монда шудааст.
«Дар доираи созишномаҳо устодони донишгоҳи мо ва донишгоҳҳои номбурда дар конфронсҳои илмии байналмилалӣ (ғоибона) фаъолона иштирок ва мақолаҳо чоп намудаанд. Инчунин донишҷӯёни мо бо донишгоҳҳои номбурда дар доираи барномаи табодул фаъолона иштирок намуда, моҳи феврали соли 2016 шаш донишҷӯ барои идомаи таҳсил дар зинаи бакалавр ба донишгоҳҳои номбурда сафарбар гардиданд»,-иброз дошт М. Шарифзода.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
