Алӣ Рифат: «Аз Сафир таъйин гардидан дар Ҷумҳурии Тоҷикистон, ки бо Туркия фарҳанги шабеҳ дорад, хеле мамнунам»
ДУШАНБЕ, 25.01.2017. /АМИТ «Ховар»/. Имрӯз Вазири фарҳанги Ҷумҳурии Тоҷикистон Шамсиддин Орумбекзода Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Алӣ Рифатро, ки чанде пеш ба ин вазифа таъйин гардид, ба ҳузур пазируфт.
Тавре аз Вазорати фарҳанг хабар доданд, дар ҷараёни вохӯрӣ Алӣ Рифат изҳор дошт, ки аз сафир таъйин гардидан дар Ҷумҳурии Тоҷикистон, ки бо Туркия фарҳанги шабеҳ дорад, хеле мамнун аст.
Зимни вохӯрӣ ҷонибҳо оид ба густариши робитаҳои фарҳангии ду кишвар ибрози ақида намуданд. Аз ҷумла, ташкили рӯзҳои фарҳангӣ ва рӯзҳои синамои туркӣ дар Тоҷикистон, табодули таҷриба байни санъаткорони ду кишвар мавзӯъҳои асосии суҳбат буданд.
Алӣ Рифат иброз дошт, ки мардуми турк низ мисли мардуми тоҷик Ҷалолиддини Румиро, ки дурдонаи адабиёти тасаввуфӣ аст, мепарастанд. Ӯ таклиф намуд, ки дар барномаҳои муштараки фарҳангӣ намоиши рақси тасаввуфӣ низ ба роҳ монда шавад. Инчунин Сафири Туркия оид ба бунёди Маркази фарҳангии Туркия дар Тоҷикистон сухан ронд. Вазири фарҳанги Тоҷикистон Шамсиддин Орумбекзода иброз дошт, ки ташкили чунин маркази фарҳангӣ ба таҳкими муносибатҳои фарҳангӣ такони тоза мебахшид.
«Мардуми тоҷик низ нисбат ба фарҳанги турк эътиқоди хоса доранд, зеро мо аз қадим бо ҳам дӯсту бародарем», — гуфт Шамсиддин Орумбекзода ва илова намуд, ки робитаҳои фарҳангӣ барои таҳкими дӯстиву бародарии мардумони ду кишвар заминаи мусоид фароҳам меоваранд.
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
