Ба футболбозони Тоҷикистон 4 имтиёз кумак накард

ДУШАНБЕ, 13.01.2017. /АМИТ «Ховар»/. Баъди анҷоми бозиҳо дар  гурӯҳи «А»-и мусобиқаи байналмилалӣ барои хотира ва ҷоизаи аввалин ноиби президенти ФИФА Валентин Гранаткин 4 имтиёз ба дастаи мунтахаби ҷавонони Тоҷикистон барои роҳхат гирифтан ба даври минбаъда кумак накард.  Футболбозони мо дар рақобат бо дастаҳои мунтахаби Юнон (1:0), Булғория (0:1) ва Эстония (1:1) бозии хуб нишон доданд, аммо натиҷаи бохт аз дастаи мунтахаби Булғория дар бозии байниҳамдигарӣ онҳоро аз идомаи мусобиқа барои Ҷом берун кард.
Ба ҳамин тартиб дастаи мунтахаби ҷавонони Тоҷикистон дар ҷараёни бозиҳо барои муайян кардани мавқеи худ боз се бозии дигар барпо мекунад. Вохӯрии аввалини он бо дастаи мунтахаби Беларус, ки дар гурӯҳи «В» зинаи охиринро  ишғол кард, 14 январ дар назар аст.

Натиҷаи бозии даври 3
Тоҷикистон – Эстония – 1:1

Муаллифи голҳо: Марко Липп, 45 (0:1). Шериддин Бобоев, 63 (1:1).

Юнон  – Булғория – 4:0

Б  Ғ   М   Б     Т/т    И
1 Юнон                             3   2   0    1     8-1     6
2 Булғория                      3   1    1    1      1-4    4
3 ТОҶИКИСТОН           3   1    1   1      2-2    4
4 Эстония                        3   0    2   1      1-5    2

Гурӯҳи «В»
Даври 3

Латвия – Ҳиндустон – 4:1
Беларус – Россия – 0:3

Б    Ғ    М    Б       Т/т     И

1 Россия                           3    3    0      0     12-0     9
2 Латвия                          3    1    1      1      6-4      4
3 Ҳиндустон                    3    1    0      2      2-12     3
4 Беларус                         3    0    1      2      2-6      1

Бозиҳо дар ду гурӯҳи боқимонда имрӯз ҷамъбаст мешаванд.