Чемпионати Осиё оид ба футзал байни ҷавонон дар Таиланд гузаронида мешавад

ДУШАНБЕ, 6.01.2016 /АМИТ «Ховар»/. Чемпионати Осиё оид ба футзал байни ҷавонони то 20 сола, ки дар ин синн бори аввал гузаронида мешавад, дар Таиланд доир мегардад.
Дастаи мунтахаби ҷавонони Тоҷикистон ҳам дар қатори 22 дастаи мунтахаби Осиё аз 9 то 21 май барои Ҷоми мусобиқа мубориза мебарад.
Аз рӯи низомнома дастаҳо баъди қуръакашӣ ба 4 гурӯҳ ҷудо карда мешаванд. Ду гурӯҳ аз 6 даста ва ду гурӯҳи дигар аз 5 даста таркиб меёбанд. Аз ҳар гурӯҳ ду дастаи беҳтарин ба бозиҳои оянда роҳхат мегиранд.
Дастаи мунтахаби Тоҷикистонро дар ин синну сол Пайрав Воҳидов ба мусобиқа омода мекунад. Тавре сомонаи ФФТ хабар медиҳад, то оғози бозиҳо футболбозони мо якчанд бозии таҷрибавии худро барпо карда, ба мусобиқа тайёр мешаванд.