Футбол: ду бозингари дастаи мунтахаби Ӯзбекистон клубҳои худро дигар карданд

Январь 5, 2017 11:26

ДУШАНБЕ, 5.01.2016 /АМИТ «Ховар»/. Ду бозингари дастаи мунтахаби Ӯзбекистон дар марҳалаи гузариши зимистонӣ клубҳои худро дигар карданд. Дар ин бора сомонаи «the-afc.com» хабар медиҳад.
Одил Ахмедов, капитани дастаи мунтахаби Ӯзбекистон, ки қаблан дар дастаҳои «Пахтакор»-и Тошканд, «Анжи»-и Махачқалъа ва «Краснодар»-и Россия бозӣ мекард, шартномаи худро бо клуби «Шанхай СИПГ»-и Чин ба имзо расонд. Муҳлати шартнома се солро дар бар мегирад. Одил Ахмедови 29-сола дар ҳайати клуби охиринаш-«Краснодар», ки аз соли 2014 бозӣ мекард, дар 101 вохӯрӣ ширкат карда, ба дарвозаи ҳарифон 7 гол задааст. Одил Ахмедов бозингари аз ҳама арзишманди Ӯзбекистон (9 миллион евро) ба ҳисоб меравад.
san-ar-tursunovЁдрас мешавем, ки дар дастаи «Шанхай СИПГ»-и Чин ҳамлагари собиқи КФ «Зенит»-и Санкт Петербург Халк ҳунарнамоӣ мекунад ва ба он мутахассиси португалӣ Андре Вилаш-Боаш, ки қаблан дастаҳои «Порту», «Интер», «Челси» ва «Зенит»-ро машқ медод, фаъолият дорад. Ба ин даста Оскар низ аз дастаи «Челси» гузаштааст.
Бозингари дуюми дастаи мунтахаби Ӯзбекистон Санҷар Турсунов аз дастаи «Ворскла»-и Украина ба КФ «Алхаритиёт»-и Қатар гузашт. Аз рӯи маълумоти Transfermarkt КФ «Ворскла» барои ин бозингари ӯзбек 400 000 евро манфиат бардоштааст.
Санҷар Турсунови 30-сола пештар дар дастаҳои «Иртиш», «Волга», «Алания», «Локомотив»-и Тошканд, «Газовик», «Ворскла», «Умм-Салал»-и Қатар бозӣ кардааст.

Январь 5, 2017 11:26

Хабарҳои дигари ин бахш

Моҳи сентябр дар Тоҷикистон Фестивали бозиҳои миллии варзишӣ баргузор мешавад
Марҳилаи интихобии Ҷоми футзали Осиё-2026 дар Душанбе баргузор мешавад
Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд