Вазорати корҳои дохилӣ натиҷаҳои фаъолияташро барои хабарнигорон бозгӯӣ мекунад

ДУШАНБЕ, 19.01.2017. /АМИТ Ховар/. Нишастҳои матбуотии вазорату идораҳо ва ташкилоту муассисаҳо, ки тибқи Амри Президенти Ҷумҳурии Тоҷикистон ҳар сол ду маротиба оид ба ҷамъбасти натиҷаҳои шашмоҳа ва солонаи фаъолият доир карда мешаванд, идома доранд.
Пагоҳ, 20 январ нишастҳои матбуотии Вазорати корҳои дохилаи Ҷумҳурии Тоҷикистон, Вазорати фарҳанги ҶТ, Кумитаи андози назди Ҳукумати ҶТ, Донишкадаи исломии Тоҷикистон ва Донишкадаи молия ва иқтисод баргузор мешаванд.
Нишасти хабарии Вазорати корҳои дохилӣ соати 11 дар толори бинои ВКД, Вазорати фарҳанги ҶТ соати 9:00 дар толори Маркази матбуоти ҷумҳуриявии АМИТ «Ховар», Кумитаи андози назди Ҳукумати ҶТ соати 9:00 дар бинои нозироти андозсупорандагон (назди собиқ Вазорати мелиоратсия), Донишкадаи исломии Тоҷикистон соати 10 дар толори донишкада ва Донишкадаи молия ва иқтисоди Тоҷикистон соати 14.00 дар толори Маркази матбуоти ҷумҳуриявии АМИТ «Ховар» доир мегарданд.
Барои гузаронидани нишастҳои матбуотӣ вазорату идораҳо метавонанд бо Маркази матбуоти ҷумҳуриявии АМИТ «Ховар» бо рақами телефони 918-21-52-04 тамос гиранд.