Вазорати нақлиёт, Кумитаи забон ва истилоҳот, Кумитаи давлатии сармоягузорӣ ва идораи амволи давлатӣ нишасти матбуотӣ баргузор менамоянд

ДУШАНБЕ, 27.01.2017. /АМИТ Ховар/. Рӯзи душанбе, 30 январи соли 2017 Вазорати нақлиёти Ҷумҳурии Тоҷикистон, Кумитаи забон ва истилоҳоти назди Ҳукумати Ҷумҳурии Тоҷикистон ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон нишасти матбуотӣ баргузор менамоянд.
Роҳбарони сохторҳои мазкур омодаанд, ки ба суолҳои хабарнигорони ВАО оид ба дастоварду камбудиҳои фаъолияташон дар соли 2016 посух бигӯянд.
Хотиррасон менамоем, ки нишасти матбуотии Кумитаи забон ва истилоҳоти назди Ҳукумати Ҷумҳурии Тоҷикистон соати 09-00 дар толори Маркази матбуоти ҷумҳуриявии АМИТ «Ховар», Вазорати нақлиёти Ҷумҳурии Тоҷикистон соати 11-00 дар бинои худи Вазорат ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон соати 15-00 дар бинои Кумитаи мазкур баргузор мегарданд.
Барои гузаронидани нишастҳои матбуотӣ вазорату идораҳо метавонанд бо Маркази матбуоти ҷумҳуриявии АМИТ «Ховар» бо рақами телефони 918-21-52-04 тамос гиранд.