Берун аз футбол: дарвозабон ба ғазаб омад

ДУШАНБЕ, 23.02.2017/АМИТ «Ховар»/. Дарвозабони дастаи «Донгтам Лонган»-и Ветнам аз хатои довари майдон ба ғазаб омада, ба дарвозааш се гол сар дод. Ин навор дар шабакаи VIDOS-и YouTube пайдо шудааст.
Вохӯрии даври навбатии Чемпионтаи Ветнам бо ширкати дастаҳои «Донгтам Лонган» ва «Ҳошимин» то дақиқаи 90-ум мусовӣ, 2:2 идома дошт. Дар ҳамин вақт довар ба дарвозаи дастаи соҳибони майдон -«Донгтам Лонган» зарбаи 11-метраи шубҳанок таъйин кард. Дарвозабон аз ин қарор сар печида, пушташро ба иҷрокунандаи зарбаи пеналтӣ гардонд ва боз то анҷоми вақти иловашуда ба дарвозааш ду голи дигар сар дод.
Бозӣ бо ғалабаи дастаи «Ҳошимин» бо натиҷаи 5:2 ба анҷом расид.