Дар Варзишгоҳи Ҳисор бозӣ барои Ҷоми олӣ ё Суперҷоми Тоҷикистон баргузор мешавад

Февраль 3, 2017 10:08

ДУШАНБЕ, 03.02.2017/АМИТ «Ховар»/. Вохӯрӣ барои Суперҷом ё Ҷоми олии Тоҷикистон имсол дар Варзишгоҳи марказии шаҳри Ҳисор доир мегардад. Ин варзишгоҳ барои 25 ҳазор тамошобин пешбинӣ шудааст.
Бар асоси иттилои дафтари матбуоти Федератсияи футболи Тоҷикистон, дар бозӣ барои Суперҷоми Тоҷикистон соли равон дастаҳои «Истиқлол»-и Душанбе, чемпион ва барандаи Ҷоми Тоҷикистон ва «Ҳосилот»-и Фархор, соҳиби медалҳои нуқраи чемпионати мамлакат байни дастаҳои Лигаи олӣ мубориза мебаранд. Таърихи баргузории мусобиқа барои Суперҷом баъдан маълум хоҳад шуд.
Суперҷоми Тоҷикистон аз соли 2010 дар кишварамон гузаронида мешавад. Аввалин бозӣ барои Суперҷом ҳанӯз соли 2010 дар шаҳри Турсунзода барпо гардида буд. Бозиҳои Суперҷомро варзишгоҳҳои шаҳрҳои Қӯрғонтеппа (2011), Ваҳдат (2012), Кӯлоб (2013), Душанбе (2014 ва 2015) ва Турсунзода (2016) мизбонӣ кардаанд.
«Истиқлол»-и Душанбе шаш маротиба солҳои 2010, 2011, 2012, 2014, 2015 ва 2016 Суперҷоми Тоҷикистонро ба даст овардааст. Ба «Равшан»-и Кӯлоб муяссар гардидааст, ки соли 2013 Суперҷомро аз худ намояд.
Бозиҳо барои Суперҷоми Тоҷикистон (2010-2016):
2010 «Вахш» (Қӯрғонтеппа) «Истиқлол» (Душанбе) 0:2
2011 «Истиқлол» (Душанбе) «Регар-ТадАЗ» (Турсунзода) 1:0
2012 «Истиқлол» (Душанбе) «Регар-ТадАЗ» (Турсунзода) 2:1
2013 «Равшан» (Кӯлоб) «Регар-ТадАЗ» (Турсунзода) 2:1
2014 «Равшан» (Кӯлоб) «Истиқлол» (Душанбе) 0:5
2015 «Истиқлол» (Душанбе) «Хайр» (Ваҳдат) — 2:2, аз рӯи пеналтӣ 4:3
2016 «Истиқлол» (Душанбе) «Хуҷанд» (Хуҷанд) 3:2

Февраль 3, 2017 10:08

Хабарҳои дигари ин бахш

Дастаи мунтахаби наврасони Тоҷикистон (U-16) дар Тошканд дар чемпионати CAFA-2025 иштирок менамояд
Дар Тоҷикистон наздик ба 250  ҳазор нафар дар Дави миллӣ ва беш аз 19 ҳазор нафар дар марафони велосипедронӣ иштирок намуданд
Дар Душанбе 30 ҳазор нафар дар Дави миллӣ ва 380 нафар дар марафони велосипедронӣ иштирок намуданд
Имрӯз дар саросари Тоҷикистон Дави миллӣ ва марафони велосипедронӣ баргузор мегардад
ДАВИ МИЛЛӢ. Давидан метавонад ба коҳиши хатари марг аз сактаи дил ва дигар бемориҳои маъмул мусоидат намояд
Комиссияи назорати молиявии дастаҳои футболи Лигаи олии Тоҷикистон таъсис дода шуд
Дар Тоҷикистон Дави миллӣ ва марафони велосипедронӣ баргузор мегардад
Дастаи «Соро компания» дар силсилаи ниҳоии Суперлигаи футзали Тоҷикистон пирӯзии дуюмро ба даст овард
Байни донишҷӯёни муассисаҳои таҳсилоти ибтидоӣ ва миёнаи касбӣ мусобиқаи футболи хурд идома дорад
Лигаи футболи занонаи Тоҷикистон бо иштирокчиёни мусобиқаҳо ҷаласаи васеъ доир намуд
Намояндагони Кумитаи миллии олимпии Тоҷикистон дар Ассамблеяи генералии Шурои олимпии Осиё иштирок доранд
Рӯйхати васеи дастаи мунтахаби Тоҷикистон барои бозӣ бо дастаҳои Камбоҷа ва Филиппин муайян карда шуд