Имрӯз бозии ҳалкунандаи плей-офф бо ширкати дастаҳои «Ҳосилот» ва «Дордой» барпо мегардад

ДУШАНБЕ, 28.02.2017 /АМИТ «Ховар»/. Имрӯз дар Варзишгоҳи марказии пойтахт, соати 16:00 бозии ҷавобӣ ва ҳалкунандаи плей-оффи Ҷоми Конфедератсияи футболи Осиё (КФО) бо ширкати дастаҳои «Ҳосилот»-и Фархор ва «Дордой»-и Қирғизистон барпо мегардад.
Бозии ин дастаҳоро доварон аз Баҳрайн бо роҳбарии Муҳаммад Ҷамил Ҷумъа ҳакамӣ мекунанд. Ба ӯ Сайёд Ҷалол Маҳфуз Алавӣ Муҳаммад ва Солеҳ Абдулло Муҳсин ал-Роваймӣ кумак мекунанд. Довари эҳтиётӣ Исо Абдулло Ҳасан Муҳаммад Алӣ мебошад.
Ёдрас мешавем, ки бозии аввали ин дастаҳо 21 феврал дар Қирғизистон бо ғалабаи дастаи «Дордой» бо ҳисоби 1:0 хотима ёфт. Ягона голро Алишер Азизов ба нишон расонд.
Аз рӯи натиҷаи ду вохӯрӣ дастаи ғолиб ба гурӯҳи «Д»-и Осиёи марказӣ, ки дастаҳои «Истиқлол»-и Душанбе, Алтин Асир»-и Туркманистон ва «Алай»-и Қирғизистон қарор доранд, ҳамроҳ мешавад.