Муаррифии тӯби нав барои бозиҳои Лигаи чемпионҳои Аврупо

ДУШАНБЕ, 15.02.2017. /АМИТ «Ховар»/. Иттиҳоди футболи Аврупо (УЕФА) барои бозиҳои минбаъдаи Лигаи чемпионҳои ин қитъа тӯби навро муаррифӣ кард. Дар ин бора сомонаи расмии УЕФА хабар медиҳад.
Дар тарҳи нави тӯб номи шаҳри Кардифи давлати Уэлс (Finale Cardiff) ҷой дода шудааст, ки бозии ниҳоӣ дар он баргузор мешавад. Инчунин рамзи миллии кишвари Уэлс аждаҳор низ дар тӯби нав таҷассум ёфтааст. Ёдовар мешавем, ки бозии финалии Лигаи чемпионҳои Аврупо 3 июли соли равон дар варзишгоҳи Кардифф гузаронида мешавад.
Бо ин тӯб аллакай дирӯз дастаҳои «Бенфика»- «Боруссия» (1:0) ва «Пари Сен-Жермен» «Барселона» (4:0) бозӣ карданд.