Ҷоми ФФТ: «Кӯктош» ва «Равшан» ба нимфинал баромаданд

ДУШАНБЕ, 18.02.2017. /АМИТ «Ховар»/. Дирӯз баъди ҷамъбасти бозиҳои гурӯҳи «А» барои Ҷоми ФФТ дастаҳои «Кӯктош»-и ноҳияи Рӯдакӣ ва «Равшан»-и Кӯлоб ба бозиҳои нимфиналӣ роҳхат гирифтанд.
Намояндаи Лигаи якуми Чемпионати Тоҷикистон «Кӯктош» баъди ғалаба бар «Ҳосилот»-и Фархор бо натиҷаи 3:2 бори аввал ба бозии нимфиналии Ҷоми ФФТ роҳ ёфт. Футболбозони «Ҳосилот» баъди нимаи аввали вохӯрӣ бо натиҷаи 2:0 дар сафи пеш буданд, аммо дар қисми дуюм ин бартариро нигоҳ дошта натавонистанд ва «Кӯктош» бо се голи Эҳсон Бобоев (60), Адҳам Абдуллоев (63) ва Собир Холматов (67, аз пеналтӣ) ба комёбӣ расид.
Вохӯрии байни дастаҳои «Равшан» ва «Ашт» бо натиҷаи мусовии 0:0 ҷамъбаст шуд.

Ҷадвали ҷамъбасти гурӯҳи «А» чунин аст:

Б Ғ М Б Т/т И
1«Кӯктош» (Рӯдакӣ) 3 2 0 1 4-3 6
2«Равшан» (Кӯлоб) 3 1 2 0 2-1 5
3«Ҳосилот» (Фархор) 3 0 2 1 4-5 2
4«Хуҷанд» (Хуҷанд) 3 0 2 1 1-2 2

Новобаста ба натиҷаи бозиҳои имрӯзаи гурӯҳи «Б», бо иштироки «Ҳулбук»- «Ашт» (14:30) ва «Регар-ТадАЗ» -«Истиқлол» (17:00) ду дастаи Лигаи олӣ аллакай ба бозиҳои нимфиналӣ роҳхат гирифтаанд. Вохӯриҳои имрӯза танҳо муайян хоҳанд кард, ки дастаҳо дар кадом зина ҷойгир мешаванд.