Сармураббии «Хуҷанд»-и Хуҷанд иваз шуд

ДУШАНБЕ, 06.02.2017/АМИТ «Ховар»/. Пеш аз оғози мавсими нави футбол дастаи «Хуҷанд»-и Хуҷанд сармураббии худро иваз кард. Минбаъд дастаро мутахассиси 44 сола Рустам Хоҷаев машқ медиҳад.
Рустам Хоҷаев-собиқ бозингари дастаи мунтахаби Тоҷикистон дар ин вазифа Ҳамид Каримовро, ки шаш моҳ пештар ба ҳайси сармурабӣ таъйин шуда буд, иваз кард. Ӯ расман ба ҳайати даста муаррифӣ шуд ва аллакай тамринҳоро бо «Хуҷанд» оғоз кард.
Рустам Хоҷаев қабалан дастаҳои «Хайр»-и Ваҳдат, «Вахш»-и Қӯрғонтеппа ва «Барқчӣ»-ро ба ҳайси сармураббӣ машқ додааст. Ӯ ҳамчунин дар дастаҳои мунтахаби миллии кишварамон ва ҷавонони он ба Ҳаким Фузайлов ва Виталий Левченко кумак расонидааст.
Рустам Хоҷаев соли 2013 дар Тоҷикистон беҳтарин мураббии сол эълон шудааст. Дастаи «Хайр»-и Ваҳдат зери роҳбарии ӯ соҳиби медалҳои нуқраи чемпионати мамлакат ва Ҷоми ФФТ гардидааст.