Вазири маориф ва илми Тоҷикистон аз Намоиши байналмилалӣ оид ба соҳаи маориф ва илм дар шаҳри Москва боздид намуд
ДУШАНБЕ, 18.04.2017 /АМИТ «Ховар»/. Дар шаҳри Москваи Федератсияи Россия Намоиши байналмилалӣ оид ба соҳаи маориф ва илм бо иштироки вазирони маорифи кишварҳои Осетияи Ҷанубӣ, Абхазистон, Ҷумҳурии Сурия ва ҷумҳуриҳои узви Иттиҳоди Давлатҳои Мустақил (ИДМ) баргузор гардид, ки дар он Нуриддин Саид, Вазири маориф ва илми Ҷумҳурии Тоҷикистон ширкат варзид. Дар ин бора аз Вазорати маориф ва илми Ҷумҳурии Тоҷикистон хабар доданд.
Зимни намоиш ҷаласаи Шӯрои ҳамкорӣ дар соҳаи маорифи кишварҳои Иттиҳоди Давлатҳои Мустақил доир шуд. Дар он масъалаҳо вобаста ба таъсиси донишгоҳҳои заминавӣ дар байни кишварҳои аъзои Иттиҳоди Давлатҳои Мустақил, мавзӯъ ва санаи баргузории Анҷумани панҷуми омўзгорон ва кормандони соҳаи маорифи кишварҳои аъзои Иттиҳоди Давлатҳои Мустақил ва пешниҳоди омода намудани созишномаи бисёрҷониба дар бораи аккредитатсияи давлатии фаъолияти муассисаҳои таҳсилоти олии касбии кишварҳои аъзои Иттиҳоди Давлатҳои Мустақил мавриди баррасӣ қарор гирифтанд.
Дар доираи чорабиниҳо бо ташаббуси ЮНЕСКО Форуми вазирони маорифи кишварҳои аъзои ЮНЕСКО баргузор шуд. Дар форуми мазкур масъалаҳои вобаста ба «Нақши маориф дар пешгирии экстремизм ва зӯроварӣ дар байни кӯдакон ва ҷавонон» ва «Нақши омӯзгорон дар пешгирии падидаи экстремизм ва зӯроварӣ дар муҳити ҷавонон» муҳокима шуданд.
Ҳамчунин зимни вохӯрии Нуриддин Саид, Вазири маориф ва илми Ҷумҳурии Тоҷикистон бо Олга Василева, Вазири маориф ва илми Федератсияи Россия масъалаҳои ҷудо намудани бурсияҳои иловагӣ барои таҳсили шаҳрвандони Ҷумҳурии Тоҷикистон дар муассисаҳои таҳсилоти олии касбии Федератсияи Россия, тартиби қабули довталабон ба филиалҳои муассисаҳои таҳсилоти олии касбии ФР дар шаҳри Душанбе тавассути Маркази миллии тестии назди Президенти Ҷумҳурии Тоҷикистон, даъват намудани омӯзгорон аз Федератсияи Россия ва фаъолияти онҳо дар муассисаҳои таҳсилоти миёнаи умумии Ҷумҳурии Тоҷикистон дар соли 2017, бо китобҳои дарсӣ таъмин намудани мактабҳои таълимашон бо забони русӣ ва мактабҳои таълимашон омехта баррасӣ шуданд.
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
