Шумораи хонандагони сомонаи АМИТ «Ховар» ба 4,2 миллион нафар расид!
ДУШАНБЕ, 23.05.2017. /АМИТ «Ховар»/. Шумораи хонандагони сомонаи Агентии миллии иттилоотии Тоҷикистон (АМИТ) «Ховар»-и назди Ҳукумати Ҷумҳурии Тоҷикистон (аз оғози навсозӣ-1 январи соли 2016) то 17 майи соли 2017 ба 4 миллиону 205 ҳазору 684 нафар расид, ки аз ин шумора 304 ҳазору 020 нафараш хонандагони доимӣ мебошанд.
Чунин маълумотро ба мо Агентии рекламавии «adMedia», ки машғули таъмини барномавии сомонаи мост, пешкаш намуд.
Албатта, ба чунин шумораи истифодабарандагони интернет барномаҳои Радиои «Ховар» дар мавҷи 101,5ҒМ низ дастрас аст, ки онро метавон ба таври зинда дар низоми онлайн тавассути сомонаи www.khovar.tj гӯш кард.
Ёдовар мешавем, ки АМИТ «Ховар» мақоми марказии давлатии иттилоотии Тоҷикистон ва яке аз агентиҳои иттилоотии маъруф дар минтақа ва кишварҳои пасошӯравӣ мебошад.
Агентӣ соли 1925 дар Душанбе ба ҳайси Агентии ҷумҳуриявии телеграфии «ТоҷикТА» дар ҳайати Агентии телеграфии Иттиҳоди Шўравӣ «ТАСС» фаъолиятро оғоз намуд. 10 апрели соли 1992 Агентӣ номи «Маркази иттилоотии Тоҷикистон (МИТ) «Ховар»-ро гирифт. 30 апрели соли 2004 бо Қарори Ҳукумати Ҷумҳурии Тоҷикистон номи МИТ «Ховар» ба Агентии миллии иттилоотии Тоҷикистон «Ховар» дар назди Ҳукумати Ҷумҳурии Тоҷикистон табдил дода шуд.
Имрӯз АМИТ «Ховар» ягона агентии иттилоотӣ дар ҷумҳурӣ мебошад, ки дорои мавқеи расмист. Он ҳуҷҷатҳои расмии вобаста ба фаъолияти Президент, Парламент, Ҳукумати Тоҷикистон, инчунин тамоми сохторҳои давлатиро аз дасти аввал дастрас намуда, ба таври васеъ паҳн менамояд.
Агентӣ манбаи муътамади паҳнкунандаи иттилооти фаврию саҳеҳ доир ба рӯйдодҳои тамоми минтақаҳои Тоҷикистон мебошад. Маводи иттилоотии АМИТ «Ховар»-ро натанҳо рӯзномаву маҷаллаҳо, радио ва телевизони Тоҷикистон, балки истифодабарандагони шабакаи ҷаҳонии Интернет, сафоратхонаҳои давлатҳои ҷаҳон, доираҳои соҳибкорӣ, вазорату идораҳо, ташкилотҳои ҷамъиятӣ ва шахсони алоҳида дар Тоҷикистон ва берун аз он истифода мебаранд.
Маводҳои АМИТ «Ховар» бо забонҳои тоҷикӣ, русӣ, англисӣ, арабӣ ва ҳуруфоти форсӣ нашр мешаванд. Агентӣ бо агентиҳо, хадамот ва марказҳои иттилоотии пешрафтаи ҷаҳон робитаҳои судманд дорад.
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
