Дар Душанбе рӯнамоии китоби «Асосҳои хизмати дипломатӣ» баргузор гардид
ДУШАНБЕ, 07.06.2017 /АМИТ «Ховар»/. 7 июни соли 2017 дар Вазорати корҳои хориҷии Ҷумҳурии Тоҷикистон маросими рӯнамоии китоби муовини сардори Раёсати созмонҳои байналмилалии Вазорат Рухшона Раҳмонова «Асосҳои хизмати дипломатӣ», ки онро нашриёти “Ганҷ” дар шаҳри Душанбе ба табъ расондааст, баргузор гардид. Дар ин бора аз Вазорати корҳои хориҷии Ҷумҳурии Тоҷикистон хабар доданд.
Дар рӯнамоии китоб кормандони Вазорат, собиқадорони хидмати дипломатӣ, олимон ва мутахассисони соҳаи сиёсати хориҷӣ ширкат варзиданд.
Ба таъкиди иштирокдорони маросими рӯнамоии китоб, “Асосҳои хизмати дипломатӣ” асарест, ки оид ба мафҳуми дипломатия, заминаҳои сиёсӣ ва ҳуқуқии коркард ва татбиқи сиёсати хориҷии Ҷумҳурии Тоҷикистон ва ҳадафҳои стратегии кишвар, ҳамкорӣ бо Созмони Милали Муттаҳид ва дигар ташкилотҳои байналмилаливу минтақавӣ, таърихи мухтасари дипломатияи тоҷик, инчунин дар бораи намояндагиҳои дипломатӣ ва муассисаҳои консулии Ҷумҳурии Тоҷикистон дар хориҷи кишвар маълумот медиҳад.
Ба китоб фарҳанги мухтасари истилоҳоти дипломатӣ ва санадҳои ҳуқуқиву меъёрии танзимкунандаи хидмати дипломатӣ ва робитаҳои хориҷӣ замима шудаанд.
Китоби мазкур, ки бо сарсухани дипломати собиқадори тоҷик, академик Талбак Назаров ба табъ расидааст, ба сифати дастурамали касбӣ фарогири маҷмӯи иттилооти зарурӣ буда, масири амалкарди кормандони касбии хидмати дипломатиро дар мавридҳои мухталифи хизматӣ равшан менамояд. Он, бегумон, роҳнамоест барои дипломатҳои ҷавони тоҷик, кормандони ташкилотҳои байналмилалӣ, ҳамчунин донишҷӯёне, ки дипломатия ва муносибатҳои байналмилалиро меомӯзанд.
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
